မြတ်ဗုဒ္ဓ၏ တရားဦး (The First Discourse of The Buddha)

တရားဦး ဓမ္မစက်မှာ အနှစ်သာရ (၃)ချက်
၁။ ရှောင်ရှားရန် အစွန်းနှစ်ဘက်၊
၂။ လိုက်နာရန် အလယ်လမ်းနှင့်
၃။ ထိုးထွင်းသိမြင်ရာ သစ္စာ(၄) ပါးတို့ ဖြစ်ကြပါတယ်။

     ဒီသစ္စာတရား လေးပါးကို တကယ်တမ်း မသိကြလို့ မကျင့်နိုင်ကြလို့ သတ္တဝါတွေဟာ ဘဝအသစ် အသစ်တွေကို တွယ်တာပြီး သံသရာကြီးထဲမှာ တပင်တပန်း ပြေးလွှားကျင်လည်နေကြရရှာတယ်ဆိုတာ ဗုဒ္ဓက သိတော်မူတဲ့အတွက် ဗုဒ္ဓ ပထမဆုံး ဟောပြောပြသတဲ့ ဓမ္မစကြာတရားတော်မှာ ဒုက္ခသစ္စာ၊ သမုဒယသစ္စာ၊ နိရောဓသစ္စာ၊ မဂ္ဂသစ္စာ ဆိုတဲ့ သစ္စာလေးပါးကို ထည့်သွင်း ညွှန်ပြထားခြင်း ဖြစ်ပါတယ်။ ဒုက္ခသစ္စာ (ဆင်းရဲခြင်းအမှန်) တရားကို မူတည်၍ ဟောကြားအပ်သော ဓမ္မစကြာတရားတော်ကား ဗုဒ္ဓကိုယ်တော်တိုင် ပထမဆုံး ဟောပြောပြသည့် တရားဓမ္မ ဖြစ်ပါတယ်။ ဆင်းရဲခြင်း၏ သဘောအဓိပ္ပာယ်ကို အခြေခံသိရှိအောင် ရှင်းပြပါမယ်။

ဣဒံ ခေါပန ဘိက္ခဝေ ဒုက္ခံ အရိယ သစ္စံ၊
ဇာတိပိဒုက္ခာ၊ ဇရာပိဒုက္ခာ၊
ဗျာဒိပိဒုက္ခော၊ မရဏမ္ပိဒုက္ခံ၊
အပ္ပိယေဟိ သမ္ပယောဂေါ ဒုက္ခော၊
ပိယေဟိ ဝိပ္ပယောဂေါ ဒုက္ခော၊
ယမ္ပိစ္ဆံ နလဘတိ တမ္ပိဒုက္ခံ၊
သံ ခိတ္တေန ပဉ္စုပါဒါနက္ခန္ဓာ ဒုက္ခာ။

(၁) ဇာတိပိဒုက္ခာ
အမိဝမ်းတွင်း၌ သန္ဓေတည်နေရခြင်း၊ မွေးဖွားရခြင်းသည် ဆင်းရဲ၏။ (ဗုဒ္ဓ)
Birth is suffering.

(၂) ဇရာပိဒုက္ခာ
အိုမင်း ရင့်ရော်ရခြင်းသည် ဆင်းရဲ၏။ (ဗုဒ္ဓ)
Aging is suffering.

(၃) ဗျာဓိပိဒုက္ခာ
နာရခြင်းသည် ဆင်းရဲ၏။ (ဗုဒ္ဓ)
Sickness is suffering.

(၄) မရဏမ္ပိဒုက္ခံ
သေခြင်းသည် ဆင်းရဲ၏။ (ဗုဒ္ဓ)
Death is suffering.
Sorrow and lamentation, pain, grief and despair are  suffering.

(၅) အပိယေဟိ သမ္ပယောဂေါ ဒုက္ခော
မချစ်မနှစ်သက်သောသူတို့နှင့် အတူတကွ ပေါင်းသင်းနေထိုင်ရခြင်းသည် ဆင်းရဲ၏။ (ဗုဒ္ဓ)
Association with the unpleasant is suffering.

(၆) ပိယေဟိ ဝိပ္ပယောဂေါ ဒုက္ခော
ချစ်သောသူတို့နှင့် ကွေကွင်းရခြင်းသည် ဆင်းရဲ၏။ (ဗုဒ္ဓ)
Dissociation from the pleasant is suffering.

(၇) ယမ္ပိစ္ဆံ နလမဘတိ တံပိ ဒုက္ခံ
လိုချင် တောင့်တအပ်သည်ကို မရခြင်းသည် ဆင်းရဲ၏။ (ဗုဒ္ဓ)
Not to get what one wants is suffering.

ဒါဟာ ဗုဒ္ဓတရားရဲ့ မူလ အခြေခံအကြောင်းဖြစ်တဲ့ ဆင်းရဲခြင်း အမှန်တရား (ဒုက္ခသစ္စာ)ရဲ့ သဘောပါပဲ။

သစ္စာလေးပါးကို ရှင်းပြပါမယ်

(၁) ဒုက္ခသစ္စာ
The Noble True of suffering.
   မွေးဖွားခြင်း ဆင်းရဲ၊ အိုရခြင်း ဆင်းရဲ၊ နာရခြင်း ဆင်းရဲ၊ သေရခြင်း ဆင်းရဲ၊ ဝမ်းနည်းရခြင်း၊ ပူပန်ရခြင်း၊ နာကြည်းရခြင်း၊ ကြေကွဲရခြင်း ဆင်းရဲနှင့် လိုချင် တောင့်တရာ မရ၍ ဆင်းရဲခြင်း ဆိုပြီး အချုပ်အားဖြင့် ဆင်းရဲခြင်း အကြောင်းတရား ငါးမျိုးကို ဒုက္ခသစ္စာလို့ ခေါ်ပါတယ်။

(၂) သမုဒယသစ္စာ

The Noble True of  the origin of  suffering.

ဆင်းရဲခြင်း၏ အကြောင်းဖြစ်တဲ့ တပ်မက်တွယ်တာမှု အမှန်တရား ဖြစ်တယ်။ဒီတရားသဘောဟာ ဆင်းရဲခြင်းကို ဧကန် ဖြစ်စေတယ်လို့ ဗုဒ္ဓက ညွှန်ပြပါတယ်။ ဘဝအသစ်၌ တဖန် ဖြစ်ရန် တပ်မက်တွယ်တာခြင်း၊ တဏှာလောဘနှင့် ယှဉ်၍ ဖြစ်စေ၊ ရာဂနှင့် ယှဉ်၍ ဖြစ်စေ တပ်မက် တွယ်တာခြင်းမျိုးတွေဟာ သမုဒယသစ္စာ ဆိုတဲ့ အမှန်တရားတစ်ခုပဲ ဖြစ်တယ်။

(၃) နိရောဓသစ္စာ
The Noble True of  the Cessation of  suffering.
ဒုက္ခအပေါင်း၏ ချုပ်ငြိမ်းရာဖြစ်ကြောင်း သိအပ် မြင်အပ်တဲ့ အမှန်တရားကို ခေါ်ဆိုခြင်း ဖြစ်တယ်။ တဏှာလောဘကို ပယ်နိုင်ဖို့၊ စွန့်နိုင်ဖို့၊ ခွာနိုင်ဖို့၊ ဖြတ်တောက်နိုင်ဖို့ သိမြင် အားထုတ်အပ်တဲ့ အမှန်တရားလို့ ဆိုလိုပါတယ်။

(၄) မဂ္ဂသစ္စာ
The Noble True of  the Path leading to the Cessation of  suffering.    

     ဒီမဂ္ဂသစ္စာ ဆိုတဲ့ အမှန်တရားကတော့ ဒုက္ခ၏ ချုပ်ငြိမ်းရာ နိဗ္ဗာန်သို့ရောက်ကြောင်း အကျင့်ကို ဆိုလိုပါတယ်။
တနည်းပြောရရင် ၃၁ ဘုံက ထွက်မြောက်ရာ လမ်းပါပဲ။
သည်ကျင့်စဉ်မှာ ပါရှိတဲ့ လမ်းရှစ်သွယ်ကတော့ -

Right view-                  ကောင်းစွာ သိမြင်ခြင်း၊
Right thought-            ကောင်းစွာ ကြံစည်ခြင်း၊
Right speech-             ကောင်းစွာ ပြောဆိုခြင်း၊
Right action                 ကောင်းစွာ ပြုမူနေထိုင်ခြင်း၊
Right livelihood          ကောင်းစွာ အသက်မွေးခြင်း၊
Right effort-                  ကောင်းစွာ အားထုတ်ခြင်း၊
Right mindfulness-     ကောင်းစွာ အောက်မေ့ခြင်း နှင့်
Right concentration-  ကောင်းစွာ တည်ကြည်ခြင်းတို့ပဲ ဖြစ်ပါတယ်။ မဂ္ဂင်ရှစ်ပါးလို့လည်း ခေါ်ပါတယ်။

     နောက်ဆုံး ပြောခဲ့တဲ့ မဂ္ဂင်ရှစ်ပါးကို အစု သုံးစု ခွဲလို့ ရပါတယ်။ ပညာ၊ သိက္ခာနဲ့ သမာဓိ ဆိုတဲ့ အစု သုံးစု ဖြစ်ပါတယ်။ ပထမအစုမှာ ပါတဲ့ လမ်းနှစ်သွယ်ကတော့ ကောင်းစွာ သိမြင်ခြင်း၊ ကောင်းစွာ ကြံစည်ခြင်းတို့ပဲ ဖြစ်ပါတယ်။ ဒုတိယအစုမှာ ပါတာကတော့ ကောင်းတာ ပြောဆိုခြင်း၊ ကောင်းစွာ ပြုလုပ်ခြင်း၊ ကောင်းစွာ အသက်မွေးခြင်းဆိုတဲ့ ကျင့်စဉ် သုံးမျိုး ဖြစ်ပါတယ်။ တတိယအစုမှာ ပါတာကတော့ ကောင်းစွာ အားထုတ်ခြင်း၊ ကောင်းစွာ အောက်မေ့ခြင်း၊ ကောင်းစွာ တည်ကြည်ခြင်း ဆိုတဲ့ စူးစိုက်ခြင်း သုံးမျိုးပဲ ဖြစ်ပါတယ်။


 
        ဤသည့် ဒုက္ခ၊ သမုဒယ၊ နိရောဓ၊ မဂ္ဂ ဟူသော ဓမ္မအနှစ်လေးခုတို့သည် သမ္မာသမ္ဗုဒ္ဓရှင်တော်မှ လွဲလျှင်မည်သည့်တန်ခိုးရှင်တို့မှ မည်သည့်ပညာရှိတို့မှ မဟောပြနိုင်၊ မတည်ထွင်နိုင်၊မသိရှိနိုင်၊ ဖျက်ဆီး မပြစ်နိုင်၊ ပြောင်းပြန်မလှန်နိုင်အောင် ပကတိ တည်တည်ခန့်ခန့်အစဉ်အမြဲသာ ပြောင်းလဲမရှိ မှန်၍ မှန်၍နေသောကြောင့် သစ္စာတရားတို့ဖြစ်ကြပါတယ်။

ဤသစ္စာတရားတို့၌
 

သိခြင်း၊
ပယ်ခြင်း၊
ဆိုဒ်ရောက်ခြင်း၊ ကျင့်သုံခြင်း ဟူသည့် ကိစ္စ (၄)ရပ်တို့ကို အရိယာတို့သာ ပြုလုပ်နိုင်စွမ်းရှိသောကြောင့် (သို့မဟုတ်) ဤကိစ္စ (၄)ရပ်တို့ကိုတကယ်ဆောင်ရွက်နိုင်လျှင် အရိယာစစ်စစ် ဧကန်ပင် ဖြစ်လေတော့သည် ဖြစ်ခြင်းကြောင့် အရိယာသစ္စာ လို့ခေါ်ပါတယ်။

     တရားချစ်ခင် သူတော်စင် အပေါင်းတို့ ဤအရိယသစ္စာလေးပါးတို့၌ အရှိအတိုင်း၊ အမှန်အတိုင်း၊ သန့်ရှင်းကြည်လင်သော ဥာဏဒဿန ကို မရသေးသမျှကာလပတ်လုံး သိဒ္ဓတ္ထဂေါတမသည် လူ နတ် ဗြဟ္မာ သတ္တ၀ါလောက အတွင်း၌ သမ္မာသမ္ဗုဒ္ဓ ဟု ၀န်မခံခဲ့သေးပါ။ ဗုဒ္ဓမပွင့်မီ နှစ်တစ်ထောင်ခန့်ကာလက ဗုဒ္ဓကောလာဟလ ၏ နောက်မှာရောလိုက်၍ဗုဒ္ဓအမည်ခံကြတဲ့ ဂိုဏ်းဆရာကြိးများသည် အရိယသစ္စာတို့ကိုသိလည်းမသိ၊ အရိယမဂ် လမ်းစဉ်ကို ကျင့်လည်း မကျင့်ကြပါပဲ ဘုရားအမည်ကို ကြေညာခံယူကြခြင်း ဖြစ်ပါတယ်။

   သိဒ္ဓတ္ထဂေါတမသည် အရိယမဂ် လမ်းစဉ်ကို တကယ်ချမှတ် တကယ် ကျင့်ခဲ့သည့် အတွက် သမ္မာသမ္ဗုဒ္ဓ စင်စစ် ဧကန်ဖြစ်ပြီဟု သတ္တ၀ါလောက၌ ရဲရဲတင်းတင်း ခြေင်္သေ့မင်းကဲ့သို့ ကြေညာ ၀န်ခံခဲ့ခြင်း ဖြစ်ပါတယ်။ သိဒ္ဓတ္ထဂေါတမသည် အရိယသစ္စာတို့ကို သိကြောင်း၊ ဘုရားဖြစ်ကြောင်း ၀န်ခံရုံသာမက “ငါရရှိတဲ့ ဥာဏဒဿန နှင့် စေတောဝိမုတ္တိ= ဥာဏ်အမြင်နှင့် စိတ်၏ လွတ်မြောက်ခြင်းတို့ဟာ ပြန်လည်၍ လျော့ပါးခြင်း၊ မှေးမှိန်ခြင်း၊ ပျက်စီးခြင်းမရှိ ပကတိခိုင်မြဲသော ဥာဏ်အမြင် အပြီးအတိုင် လွတ်မြောက်ခြင်းတို့ဖြစ်ကြကုန်၏” ဟူ၍ မြတ်ဗုဒ္ဓက မိန့်ကြားတော်မူခဲ့ပါတယ်။

    ဤသို့လျှင် မဟာသက္ကရာစ် ၁၀၃ ခုနှစ် ၀ါဆိုလပြည့်နေ့ ညနေခင်း ကာလကာသိတိုင်း ဗာရာဏသီမြို့အနီး ဣသိပတနခေါ် မိဂဒါဝုန် သားပေါင်းစုံတဲ့ တောရဂုံမှာ
ရှောင်ရှားရန် အစွန်းနှစ်ပါး
လိုက်နာရန် အလယ်လမ်းနှင့်
ထိုးထွင်းသိမြင်ရာ သစ္စာ(၄) ပါးတို့ ပါဝင်တဲ့ ဓမ္မစက်ကို ဟောမြွက်တော်မူပြီး ဘုရားအဖြစ်ကို ကြေညာတော်မူတဲ့အခါ
ကောဏ္ဍည
ဝပ္ပ
ဘဒ္ဒိယ
မဟာနာမ
အဿဇိ တပည့် (၅) တို့ အလွန်လျှင် နှစ်သက်ဝမ်းသာ ဖြစ်ကြပါတယ်။ ခြွင်းချက်မရှိလည်း လက်ခံကြပါတယ်။ထိုတပည့် (၅)ယောက်တို့တွင် အရှင်ကောဏ္ဍည တစ်ပါး အရိယသစ္စာလေးပါးကို ထိုးထွင့်သိမြင်ခဲ့ပါတယ်။ အရိယာဖြစ်ပြီးသော ထိုနေ့မှာပင် အရှင်ကောဏ္ဍည ရဟန်းပြုခဲ့ပါတယ်။ ဓမ္မရတနာသည် ဗုဒ္ဓရတနာနှင့် တပြိုင်နက်တည်းပင် ပေါ်ပေါက်ခဲ့တာဖြစ်ပါတယ်။ ဓမ္မစကြာဟောသောနေ့မှာ သံဃာရတနာ အစဥိးစွာ ပေါ်ပေါက်လာသည်ဖြစ်ခြင်းကြောင့် ၀ါဆိုလပြည့် ဓမ္မစကြာနေ့ ၀ါဆိုလပြည့်  သံဃာရတနာနေ့လို့ ဆိုရမှာဖြစ်ပါတယ်။


တရားချစ်ခင် သူတော်စင် အပေါင်းတို့သည် အယူမှား ယုံမှား အကျင့်မှားတို့မှ လုံးဝကင်းစင်ပြီး မြတ်ဗုဒ္ဓ ရဲ့ တရားတော် အတိုင်း ကျင့်ကြံပွါးများနိုင်တဲ့ သူတော်ကောင်းသူတော်မြတ်များ ဖြစ်ကြပါစေ။

“သိ ပယ် ဆိုက် ပွား”

*“သိ ပယ် ဆိုက် ပွား”* ဤစကားလေးများသည် ဗုဒ္ဓဘာသာ၏ သစ္စာလေးပါးကို အထိမိဆုံး ဖော်ညွန်းပေးသည့် စကားလေးများဖြစ်၏။

 “သိ”ဟူသည် ဒုက္ခသစ္စာကို ရည်ညွန်းပြီး

“ပယ်”ဟူသည် သမုဒယသစ္စာကို ရည်ညွန်းကာ “ဆိုက်”ဟူသည် နိရောဓသစ္စာကို ရည်ညွန်းလျက်

  “ပွား”ဟူသည်ကား မဂ္ဂသစ္စာကို ရည်ညွန်းထား၏။ ဒုက္ခသစ္စာသည် သိထားရမည့်အမှန်သစ္စာဖြစ်ပြီး သမုဒယသစ္စာသည်ကား ပယ်ရမည့် အမှန်သစ္စာဖြစ်ကြောင်းနှင့်နိရောဓသစ္စာသည် မျက်မှောက်ပြု ဆိုက်ရောက်ရမည့် အမှန်သစ္စာဖြစ်ကာ မဂ္ဂသစ္စာသည်ကား ပွားများရမည့် အမှန်သစ္စာဖြစ်ကြောင်း ရည်ညွှန်းလိုရင်း ဖြစ်ပါ၏။

    

       မြတ်ဗုဒ္ဓက တရားဦး ဓမ္မစကြာ ဒေသနာတော်တွင် သစ္စာလေးပါးကို အတိအလင်း ရှင်းတော်မူထား၏။ တရားဦး ဒေသတနာတော်တွင် ရှင်တော်မြတ်က “ရဟန်းတို့ ဤသည်ကား ဆင်းရဲဖြစ်သော အရိယာတို့၏ အမှန်တရားတည်း။ ပဋိသန္ဓေ တည်နေရခြင်းသည်လည်း ဆင်းရဲ၏၊ အိုရခြင်းသည်လည်း  ဆင်းရဲ၏၊ နာရခြင်းသည်လည်း ဆင်းရဲ၏၊ သေရခြင်းသည်လည်း ဆင်းရဲ၏၊ မချစ်သော သူတို့နှင့် အတူနေရခြင်းသည်လည်း ဆင်းရဲ၏၊ ချစ်သောသူတို့နှင့် ကွေကွင်းရခြင်းသည်လည်း ဆင်းရဲ၏၊ လိုချင်ရာကို မရခြင်းသည်လည်း ဆင်းရဲ၏၊ အကျဉ်းအားဖြင့် စွဲလန်းရာ အာရုံဖြစ်သော ခန္ဓာငါးပါးတို့သည်လည်း ဆင်းရဲ၏” ဟူ၍ ဆင်းရဲကြောင်း အမှန်တရား ဒုက္ခသစ္စာကို လည်းကောင်း၊ 

  “ရဟန်းတို့ ဤသည်ကား ဆင်းရဲခြင်း၏ အကြောင်းဖြစ်သော အရိယာတို့၏ အမှန်တရားတည်း။ အကြင်တဏှာသည် ဘ၀သစ်၌ ဖြစ်စေတတ်၏၊ နှစ်သက်ခြင်း၊ တပ်မက်ခြင်းနှင့်တကွ ဖြစ်၏၊ ထိုထိုအာရုံ၌ လွန်စွာ နှစ်သက်တတ်၏။ ထိုတပ်မက်မှု တဏှာဟူသည် အဘယ်နည်း.. ကာမဂုဏ်တို့၌ တပ်မက်မှု ကာမတဏှာ၊ သဿတဒိဋ္ဌိနှင့် တကွဖြစ်သော တပ်မက်မှု ဘ၀တဏှာ၊ ဥစ္ဆေဒဒိဋ္ဌိနှင့် တကွဖြစ်သော တပ်မက်မှု ၀ိဘ၀တဏှာတို့တည်း” ဟူ၍ ဆင်းရဲဖြစ်ခြင်း၏ အကြောင်း အမှန်တရား သမုဒယသစ္စာကို လည်းကောင်း၊

     “ရဟန်းတို့ ဤသည်ကား ဆင်းရဲ၏ ချုပ်ရာဖြစ်သော အရိယာတို့၏ အမှန်တရားတည်း။ ယင်းဆင်းရဲချုပ်ငြိမ်းရာ ဟူသည် ထိုတပ်မက်မှု တဏှာ၏သာလျှင် အကြွင်းမဲ့ စွဲမက်မှု ကင်းပျောက်ချုပ်ငြိမ်းရာ၊ စွန့်လွှတ်ရာ၊ တစ်ဖန်စွန့်ပယ်ရာ၊ လွတ်မြောက်ရာ၊ မကပ်ငြိရာ (နိဗ္ဗာန်)ပင် ဖြစ်၏” ဟူ၍ ဆင်းရဲချုပ်ရာ အမှန်တရား နိရောဓသစ္စာကိုလည်းကောင်း၊

 “ရဟန်းတို့ ဤသည်ကား ဆင်းရဲ၏ချုပ်ရာ (နိဗ္ဗာန်)သို့ ရောက်ကြောင်း အကျင့်ဖြစ်သော အရိယာတို့၏ အမှန်တရားတည်း။ ဤအရိယာမဂ်သည် အင်္ဂါရှစ်ပါးရှိ၏။ အင်္ဂါရှစ်ပါးဟူသော်ကား မှန်ကန်သော အမြင်၊ မှန်ကန်သော် ကြံစည်မှု၊ မှန်ကန်သော စကား၊ မှန်ကန်သော အလုပ်၊ မှန်ကန်သော အသက်မွေးမှု၊ မှန်ကန်သော အားထုတ်မှု၊ မှန်ကန်သော အောက်မေ့မှု၊ မှန်ကန်သော တည်ကြည်မှု” ဟူ၍ ဆင်းရဲချုပ်ရာသို့ ရောက်ကြောင်းအကျင့် အမှန်တရား မဂ္ဂသစ္စာကို လည်းကောင်း ရှင်းလင်းဟောကြားတော်မူပြီး ထိုသစ္စာတရား လေးပါးတို့တွင် ဆင်းရဲကြောင်း အမှန်တရား ဒုက္ခသစ္စာသည် ထိုးထွင်းပိုင်းခြား၍ သိရမည့်တရား *(တံခေါ ပနိဒံ ဒုက္ခံ အရိယသစ္စံ ပရိညေယျံ)၊*ဆင်းရဲခြင်း၏ အကြောင်းအမှန်တရား သမုဒယသစ္စာသည် ပယ်ရမည့်တရား *(တံ ခေါ ပနိဒံ ဒုက္ခသမုဒယံ အရိယသစ္စံ ပဟာတဗ္ဗံ)*၊ ဆင်းရဲချုပ်ရာ အမှန်တရား နိရောဓသစ္စာသည် မျက်မှောက်ပြု ဆိုက်ရောက်ရမည့်တရား *(တံ ခေါ ပနိဒံ ဒုက္ခနိရောဓံ အရိယသစ္စံ သစ္ဆိကာတဗ္ဗံ)၊ *ဆင်းရဲချုပ်ရာသို့ ရောက်ကြောင်းအကျင့် အမှန်တရား မဂ္ဂသစ္စာသည် ပွားများရမည့်တရား *(တံ ခေါ ပနိဒံ ဒုက္ခနိရောဓ ဂါမိနီပဋိပဒါ အရိယသစ္စံ ဘာဝေတဗ္ဗံ)* ဟူ၍လည်း သစ္စာလေးပါတို့၏ သိထားရမည့်တရား၊ ပယ်ရမည့်တရား၊ မျက်မှောက်ပြုရမည့် တရား၊ ပွားများရမည့် တရားများကို အကျိုးသင့်အကြောင်းသင့် ထပ်ဆင့်ရှင်းပြတော်မူ၏။

        ဗုဒ္ဓအလိုတော်အရ ဒုက္ခသစ္စာသည် ပိုင်းခြားပြီးသိရမည့် အသိတရား၊ သမုဒယသစ္စာသည် ပယ်ရမည့် အပယ်တရား၊ နိရောဓသစ္စာသည် ဆိုက်ရောက်ရမည့် အဆိုက်တရားနှင့် မဂ္ဂသစ္စာသည် ပွားများရမည့် အပွားတရားများ ဖြစ်ကြောင်း နားလည်ထားနိုင်ပေ၏။ ဒုက္ခကို ဒုက္ခဟုသိကာ ဒုက္ခဖြစ်ခြင်း အကြောင်းတရားကို ပယ်၍ ဒုက္ခအားလုံးချုပ်ရာကို မျက်မှောက်ပြု ဆိုက်ရောက်စေလျက် ဒုက္ခချုပ်ရာ လမ်းစဉ်အကျင့်တရားကို ပွားများရမည့် သဘောပင် ဖြစ်ပါ၏။ အလွယ်ပြောရလျှင် သစ္စာလေးပါး မြတ်တရားတို့သည် သိပယ် ဆိုက် ပွား ကျင့်ကြံထားရမည့် တရားများပင် ဖြစ်ပါ၏။ ဤကား ဗုဒ္ဓအလိုတော်ကျ သစ္စာတရားများအပေါ် ကျင့်ကြံအားထုတ် ရမည့် သဘောများ ဖြစ်ပါသည်။  သို့သော် ပုထုဇင်များသည်ကား ထိုသဘောတရားများနှင့် လွဲချော်ကာ သိထားရမည့် တရားများကို ပယ်နေကြပြီး ပယ်ရမည့် တရားများကိုကား တွယ်နေကြ၏။ ဆိုက်ရောက်ရမည့် တရားများတွင် မဆိုက်ရောက်နိုင်ဘဲ ပွားများရမည့် တရားများတွင် အမှားများနေကြ၏။ သတ္တ၀ါတို့သည် ဒုက္ခကို ဒုက္ခဟု မသိဘဲ တွယ်တာနေတတ်ကြ၏။ ထို့ကြောင့်လည်း “ငါ ငါ့ဥစ္စာ၊ ငါ့သား၊ ငါ့သမီး၊ ငါ့ဇနီး၊ ငါ့ရွှေ၊ ငါ့ငွေ” စသည်ဖြင့် ဒုက္ခတရားများအပေါ် အတွယ်တာကြီး တွယ်တာနေကြကာ ထာဝရတည်တံ့ကာ မပျက်စီးတော့မည့် အရာများသဖွယ် တပ်မက်နေကြ၏။ စင်စစ် ထိုအရာများသည် အမှန်တည်သည့် အရာများ မဟုတ်ဘဲ ရုပ်နာခန္ဓာ အစုကြီးမျှသာ ဖြစ်နေပေ၏။ အသေအချာ တွေးကြည့်လျင် ထိုရုပ်အစု နာမ်အစုသည်လည်း ဒုက္ခကြီးပင် ဖြစ်၏။ ဤရုပ်နာမ်ခန္ဓာ ရှိနေသဖြင့်လည်း အိုခြင်း၊ နာခြင်း၊ သေခြင်းများ ဖြစ်ပေါ်နေကြရ၏။ ထိုကြောင့် ဒုက္ခအစုဖြစ်သည့် ဤရုပ်နာမ်အစုကို ဒုက္ခဟု အမှန်သိအောင် ကြိုးစားပြီး ယင်းဒုက္ခဖြစ်ခြင်း၏ အကြောင်းကို ပယ်သတ်ကြရမည်ဟု ဆိုခြင်းဖြစ်ပါ၏။

           အချို့က ဒုက္ခ၏ သဘောအမှန်ကို မသိသဖြင့် လောကတွင် ဒုက္ခအမျိုးမျိုးနှင့်ကြုံတွေ့ကြသည့်အခါ ငါစွဲများဖြင့် “ငါရှိနေ၊ ငါအသက်ရှင်နေသမျှ ဒီလိုဒုက္ခတွေနဲ့ တွေ့နေဦးမှာပဲ၊ ငါမရှိရင်တော့ ဒါတွေပြီးသွားမှာပဲ”ဟု တစ်လွဲနားလည်ကာ မိမိကိုယ်ကို အဆုံးစီရင်သွားသူများ ရှိ၏။ မိမိကိုယ်ကို သတ်သေလိုက်ရင် ဒုက္ခငြိမ်းပြီဟု အထင်မှားပြီး တစ်နည်းနည်းဖြင့် သေကြောင်းကြံကာ ဘ၀ကို အဆုံးသတ်သွားတတ်ကြ၏။ စင်စစ် ထိုနည်းသည် မှန်ကန်သည့် နည်းလမ်းမဟုတ်ပေ။ ထိုသို့ မိမိကိုယ်ကို သတ်သေခြင်းဖြင့် ဒုက္ခအမှန် ငြိမ်းနိုင်မည်မဟုတ်ပေ။ ယခုဘ၀ ခန္ဓာကိုယ်ကြီး ပျက်သုဉ်းသွားသော်လည်း နောက်ထပ်တစ်ဖန် ဘ၀သစ်က ရှိနေပြန်သဖြင့် တစ်ဖန်ပြန်၍ ပဋိသန္ဓေနေခြင်း၊ အိုခြင်း၊ နာခြင်း၊ သေခြင်းတရားများကို ရရှိနေကြဦးမည်သာ ဖြစ်၏။ အမှန်တကယ် ဒုက္ခငြိမ်းလိုပါက ထိုဒုက္ခများ ဖြစ်ပေါ်ရခြင်း၏ အကြောင်းတရားဖြစ်သည့် တရားခံကို ပယ်သတ်ရမည်သာ ဖြစ်ပါ၏။

           ထိုအကြောင်းတရား တရားခံသည် တွယ်တာမှု သမုဒယပင် ဖြစ်ပါ၏။ ဗုဒ္ဓရှင်တော် မိန့်တော်မူသကဲ့သို့ ဒုက္ခဖြစ်ခြင်း၏ အကြောင်းတရားဖြစ်သည့် တွယ်တာမှု သမုဒယခေါ် တဏှာကို ပယ်သတ်နိုင်မှသာ ဒုက္ခအမှန်ငြိမ်းနိုင်မည် ဖြစ်၏။ ကာမဂုဏ်အာရုံများတွင် တပ်မက်တတ်သည့် တဏှာ၊ ငါငါ့ဥစ္စာဟု စွဲလမ်းတတ်သည့် တဏှာနှင့် ကုသိုလ်အကုသိုလ်ဟူသည် မရှိ၊ အရာရာသည် တစ်ဘ၀ပြီးလျှင် အကုန်ပြီးပြီဟု ထင်မှတ်တတ်သည့် တဏှာများကို အကြွင်းမရှိ ပယ်သတ်နိုင်မှသာ ဒုက္ခအမှန် ငြိမ်းနိုင်မည် ဖြစ်၏။ တဏှာကင်းလျှင် ဒုက္ခကင်းမည်ဖြစ်သဖြင့် တဏှာကို သတ်နိုင်မှသာ ဒုက္ခအမှန် ငြိမ်းနိုင်မည်ဖြစ်၏။ ထို့ကြောင့် ဒုက္ခအားလုံး၏ ဖြစ်ပေါ်ခြင်း အကြောင်းအမှန်ဖြစ်သည့် တဏှာကို ပယ်သတ်နိုင်အောင် ကြိုးစားကြရန် တိုက်တွန်းတော်မူခြင်း ဖြစ်၏။

      ထိုသို့ တဏှာကို ပယ်သတ်နိုင်လျှင်ကား ဒုက္ခလည်း ချုပ်ငြိမ်းကာ နောင်ထပ်တစ်ဖန် ဘ၀သစ် ဖြစ်ပေါ်ခြင်းမရှိသည့် နိဗ္ဗာန်သို့ မျက်မှောက်ပြု ဆိုက်ရောက်နိုင်ကြမည် ဖြစ်၏။ ယခုဘ၀ အသက်ရှင်စဲမှာပင် ကိလေသာ တဏှာကို အကြွင်းမဲ့ ပယ်သတ်နိုင်လျင် အသက်ရှင်စဲမှာပင် ဒုက္ခငြိမ်းရာ နိဗ္ဗာန်ကို မျက်မှောက်ပြုနိုင်မည် ဖြစ်သကဲ့သို့ တဏှာကုန်ခမ်းပြီး ယခုဘ၀ ဇာတ်သိမ်းသွားလျှင်လည်း နောက်ထပ်တစ်ဖန် ပဋိသန္ဓေနေခြင်း၊ အိုခြင်း၊ နာခြင်း၊ သေခြင်းများကင်းရာ နိဗ္ဗာန်သို့ ဆိုက်ရောက်သွားကြမည် ဖြစ်၏။ နိဗ္ဗာန်သို့ ဆိုက်ရောက်သွားလျင်ကား သံသရာဝဋ်မှ ထွက်မြောက်က ဘ၀ဇာတ်သိမ်း ချုပ်ငြိမ်းသွားသည်သာ ဖြစ်ပေတော့၏။ ထို့ကြောင့် ဒုက္ခဖြစ်ကြောင်း တဏှာကို ပယ်သတ်၍ တဏှာချုပ်ရာ နိဗ္ဗာန်သို့ ဆိုက်ရောက်နိုင်အောင် ကြိုးစားရန်လည်း လမ်းညွန်တော်မူခြင်း ဖြစ်ပါ၏။

       သို့သော် ထိုတဏှာချုပ်ရာ နိဗ္ဗာန်သို့ မျက်မှောက်ပြုရန်မှာ မလွယ်လှပေ။ နည်းမှန်လမ်းမှန်ဖြင့် ကျင့်ကြံပွားများ အားထုတ်နိုင်မှသာ ဆိုက်ရောက်နိုင်မည် ဖြစ်၏။ ပြင်းပြင်းထန်ထန် ကျင့်ကြံအားထုတ်သော်လည်း နည်းစနစ် မမှန်ပါက အချိန်ကုန် လူပန်းပြီး လိုရာပန်းတိုင်ကို မရောက်နိုင်ဘဲ ဖြစ်တတ်၏။ ထိုသို့သော အလွဲအမှားများ မဖြစ်ပေါ်စေရန် မြတ်စွာဘုရားရှင်က ကျင့်ကြံပွားများရမည့် နည်းမှန်လမ်းမှန်ကို ညွန်ပြတော်မူခဲ့၏။ ဒုက္ခတရားများ၏ ချုပ်ရာနိဗ္ဗာန်သို့ သွားနိုင်မည့် လမ်းစဉ်များကို အချက်ရှစ်ချက်ဖြင့် ထင်ရှားပြသတော်မူခဲ့၏။ ဒုက္ခဖြစ်ကြောင်း တဏှာကို ပယ်သတ်ကာ နိဗ္ဗာန်ကို မျက်မှောက်ပြုလိုသူများ အနေဖြင့် အမြင်မှန်၊ အတွေးမှန်၊ အပြောမှန်၊ အလုပ်မှန်၊ အသက်မွေးမှုမှန်၊ ကြိုးစားအားထုတ်မှုမှန်၊ အောက်မေ့မှုမှန်၊ တည်ကြည်မှုမှန်ရန် လိုအပ်ကြောင်းနှင့် ဤအင်္ဂါရှစ်ပါးနှင့်အညီ လိုက်နာကျင့်သုံးနိုင်ပါလျှင် ဒုက္ခချုပ်ရာ လမ်းစဉ်မှန်ကို လျှောက်လှမ်းနေသူများသာ ဖြစ်ကြောင်း မိန့်တော်မူ၏။ ထို့ကြောင့် ဒုက္ခအမှန်ငြိမ်းရာ ဖြစ်သည့် ဤမဂ္ဂရှစ်ရပ် လမ်းသွယ်မြတ်သည် မပြတ်ပွားများအပ်သည့် မဖောက်မပြန် မှန်ကန်သည့် သစ္စာတရားပင် ဖြစ်ကြောင်း ဆိုခြင်းဖြစ်ပါ၏။

         ဆိုလိုသည်မှာ သိ ပယ် ဆိုက် ပွား ဟူသည် မြတ်စွာဘုရားရှင်၏ သစ္စာလေးပါး မြတ်တရား၏ ကျင့်ပွားရမည့် သဘောတရားပင် ဖြစ်ကြောင်း ဆိုလိုရင်း ဖြစ်ပါ၏။ ဆင်းရဲကြောင်း တရားအမှန်ကို သိအောင်ကြိုးစားပြီး ထိုဆင်းရဲ ဖြစ်ပေါ်ခြင်း၏ အကြောင်းဖြစ်သည့် တရားအမှန်ကို ပယ်စေကာ ဆင်းရဲဖြစ်ရာအကြောင်း၏ ချုပ်ရာသို့ ဆိုက်ရောက်စေပြီး ဆင်းရဲချုပ်ရာသို့ ဆိုက်ရောက်စေမည့် အကျင့်လမ်းစဉ်ကို ပွားများကြရမည် ဖြစ်ကြောင်း သိစေလိုရင်း ဖြစ်ပါ၏။ စာစကားဖြင့် ပြောရလျှင် ဒုက္ခသစ္စာကို သိစေလျက်၊ သမုဒယသစ္စာကို ပယ်ကာ၊ နိရောဓသစ္စာသို့ ဆိုက်ရောက်စေပြီး မဂ္ဂသစ္စာကို ပွားများကြရမည် ဖြစ်ကြောင်းနှင့် ဤသစ္စာလေးပါး သဘောတရားကိုပင် သိ ပယ် ဆိုက် ပွား ဟုဆိုကြောင်း သိရှိစေလိုရင်း ဖြစ်ပါ၏။

       ထို့ကြောင့် သစ္စာလေးပါး သဘောတရားများ ဖြစ်သည့် သိ ပယ် ဆိုက် ပွား မြတ်တရားကို အမှန်သိရှိကာ နိဗ္ဗာန်စခန်း တက်လှမ်းလိုသူ များထိုသူတို့သည် ဒုက္ခချုပ်ရာ နိဗ္ဗာန်သို့ မျက်မှောက်ပြုရန် လမ်းစဉ်မှန်ဖြစ်သည့် မဂ္ဂင်ရှစ်ပါး အကျင့်တရားကို ကျင့်ကြံပွားများရာ တစ်ခုတည်းသော ကျင့်စဉ်ဖြစ်သည့် သတိကို အထူးပြုထိန်းပေးကြောင်း တရားအားထုတ်မှု ၀ိပဿနာ အလုပ်ကို ကြိုးစားအားထုတ်ရင်း မိမိတို့၏ ကျင့်ကြံမှုနှင့် အညီသာ သစ္စာလေးပါးကို အမှန်သိ၊ အမှန်ပယ်၊ အမှန်ဆိုက်၊ အမှန်ပွားနိုင်မည် ဖြစ်ပါသဖြင့် အချိန်ရှိခိုက် လုံ့လစိုက်ကာ တရားအလုပ် အားထုတ်ကြဖို့ သိ ပယ် ဆိုက် ပွား ဤဆောင်းပါးဖြင့် တိုက်တွန်းသမှု ပြုလိုက်ရပါပေတော့၏။

စာရေးသူ = အရှင်ဝိစိတ္တ (မနာပဒါယီ)

ဗုဒ္ဓသာသနာကို မည်သူစောင့်သနည်း

ဗုဒ္ဓသာသနာကို မည်သူစောင့်သနည်း

ထေရ၀ါဒဗုဒ္ဒသာသနာကို အရှည်ခံအောင်၊ တည်တံအောင်၊ ပြန့်ပွားအောင် မည်သူ စောင့်ရှောက်ကြသနည်း။ မြန်မာနိုင်ငံမှာ ကျွန်တော်တို့ ငယ်စဉ်ထဲကကြားခဲ့ရသော ဘုရားသာသနာ ၂၅၀၀၊ သိကြားသာသနာ ၂၅၀၀ အမှန်ပါလား?။ သူရဿီမယ်တော်က ပိဋကတ် ၃ ပုံစောင့်သည် ဟူသော အရပ်စကားများကြားခဲ့ရပါသည်။ တကယ်တန်း ဗုဒ္ဒ မြတ်စွာဘုရား၏ တရားတော်များကို လေ့လာခဲ့သည့် အခါကြမှ အရပ်ထဲက ပြောသော အမှားများကို သိလာရပါသည်။ အမှန်မှာ ဗုဒ္ဒမြတ်စွာဘုရား၏ သာသနာကို သိကြားမင်း လည်းမစောင့်ရှောက်နိုင်ပါ၊ သူရဿီမယ်တော်လည်းမဟုတ်ပါ ရဟန်းသံဃာများသာ ဖြစ်သည်။ ရဟန်းတော်များသည် သာသနာတော်တည်တံ ခိုင်မာစေရန် ခေတ် အဆက်ဆက် အဓမ္မ၀ါဒီများ၊ တန္တရ၀ါဒများ၊ နတ်ကိုးကွယ်မှုများကို ရှင်းလင်းခဲ့ကြသည်။ ထိုသို့ သာသနာတော်သန့်ရှင်ရန်အတွက် နှစ်ပေါင်း ၂၅၀၀ အတွင်း သင်္ဂါယနာကို ၆ ကြိမ် တင်၍ ရှင်းလင်းခဲ့ကြသည်။

၁။ ပထမ သင်္ဂါယနာ
မြတ်စွာဘုရားရှင် ပရိနိဗ္ဗာန်စံဝင်တော်မူပြီး ၄ လခန့်ကြာသောအခါ (ဘီစီ ၅၄၄) အိန္ဒိယနိုင်ငံ၊ ရာဇဂြိုဟ်ပြည်၊ ဝေဘာရတောင် သတ္တပဏိ လိုဏ်ဂူတော်တွင် ရဟန္တာအရှင် သူမြတ်များဖြစ်ကြသော အရှင်မဟာကဿပ၊ အရှင်ဥပါလိ၊ အရှင်အာနန္ဒာတို့ ကြီးမှူး၍ သံဃာတော် ၇၀၀၀၀၀ တို့က ပိဋကတ်တော်များကို နှုတ်တက်အားဂုံဆောင်တော်မူခဲ့ ကြသည်။ ပိဋကတ်တော်များကို အရှင်မဟာကဿပက အမေးပြု၍ အရှင်ဥပါလိ (၀ိနည်း) နှင့် အရှင်အာနန္ဒာ (သုတ္တန်၊ အဘိဓမ္မာ)တို့က ဖြေဆိုတော်မူကာ ပထမသင်္ဂါယနာ တင်ခဲ့သည်။ ပစ္စယာနုဂ္ဂဟ ထောက်ပံ့လှူဒါန်းသော မင်းမှာ အဇာတသတ်မင်း ဖြစ်သည်။

၂။ ဒုတိယသင်္ဂါယနာ
ဒုတိယ သင်္ဂါယနာကို (ဘီစီ ၄၄၄) အိန္ဒိယနိုင်ငံ၊ ဝေသာလီပြည် ၀ါဠုကာရာမ ကျောင်းတော်ကြီး၌ အရှင်ယသမထေရ် အမှူးရှိသော ရဟန္တာ ၇၀၀ နှင့်တကွ ရဟန်း သံဃာတော်ပေါင်း ၉၀၀၀၀ တို့က ပိဋကတ်တော်များကို နှုတ်တက်အာဂုံဆောင်ကာ ဒုတိယသင်္ဂါယနာ တင်ခဲ့ကြသည်။ ပစ္စယာနုဂ္ဂဟ ထောက်ပံ့လှူဒါန်းသော မင်းမှာ ကာလာသောမမင်း ဖြစ်သည်။

၃။ တတိယသင်္ဂါယနာ
တတိယသင်္ဂါယနာကို (ဘီစီ ၃၀၉) အိန္ဒိယနိုင်ငံ၊ ပါဋလိပုတ်ပြည်၊ အာသောကာရာမ ကျောင်းတော်၌ အရှင်မဟာမောဂ္ဂလိပုတ္တ မထေရ်အမှူးပြုသော ရဟန္တာ ၁၀၀၀ တို့က ပိဋကတ်တော်များကို နှုတ်တက်အာဂုံဆောင်တော်မူကာ တတိယသင်္ဂါယနာ တင်ခဲ့ကြသည်။ ပစ္စယာနုဂ္ဂဟ ထောက်ပံ့လှူဒါန်းသော မင်းမှာ သီရိဓမ္မာသောကမင်း ဖြစ်သည်။

၎။ စတုတ္ထသင်္ဂါယနာ
စတုတ္ထသင်္ဂါယနာကို (ဘီစီ ၉၄) သီဟိုဠ်ကျွန်း(ယခု သီရိလင်္ကာနိုင်ငံ) မလယဇနပုဒ်ရှိ အသောကလိုဏ်ဂူတွင် အရှင်မဟာဓမ္မရက္ခိတမထေရ် ဦးဆောင်တော် ရဟန္တာ ၅၀၀ တို့က နှုတ်တက်အာဂုံဆောင်တော်မူကာ စတုတ္ထသင်္ဂါယနာ တင်တော်မူခဲ့သည်။ ထိုစတုတ္ထသင်္ဂါယနာမှစ၍ နောင်ရဟန်း သံဃာများ နှုတ်တက်အာဂုံမဆောင်နိုင်ကြလျှင် ပိဋကတ်တော်များ ပျောက်ပျက် တိမ်ကောသွားမည်ကိုအရှည်မြင်သဖြင့် ပေရွက်များ ပေါ်တွင် ရေးထိုးကာ ပေထက်အက္ခရာ တင်ခဲ့ကြသည်။ ပစ္စယာနုဂ္ဂဟ ထောက်ပံ့လှူဒါန်း သော မင်းမှာ ၀ဋဂါမဏိမင်း ဖြစ်သည်။

၅။ ပဉ္စမသင်္ဂါယနာ
ပဉ္စမသင်္ဂါယနာကို (အေဒီ ၁၈၇၁) မြန်မာနိုင်ငံ မန္တလေးရတနာပုံနေပြည်တော်၌ အရှင်ဇာဂရမထေရ်ဦးစီးအမှူးပြုသော ရဟန်းသံဃာတော်ပေါင်း ၂၄၀၀ တို့က ၇ နှစ်၊ ၆ လ၊ ၁၄ ရက်ကြာအောင် နှုတ်တက် အာဂုံဆောင်ကာ သင်္ဂါယနာတင်ခဲ့ရသည်။ ပိဋကတ်တော်များကို ကျောက်ထက်အက္ခရာတင်ကာ ကျောက်စာချပ်ရေပေါင်း ၇၂၉ ချပ် ဖြင့်မှတ်တမ်းတင်ခဲ့ကြသည်။ ထိုကျောက်စာများကို မန္တလေးမြို့ ၊ မန်းတောင်ခြေရှိ ကုသိုလ်တော်ဘုရားဝင်းအတွင်း၌ ကြည့်ရှု ပူဇော်နိုင်ပါသည်။ ပစ္စယာနုဂ္ဂဟ ထောက်ပံ့လှူဒါန်း သော မင်းမှာ မင်းတုန်းမင်း ဖြစ်သည်။

၆။ ဆဌသင်္ဂါယနာ
ဆဌသင်္ဂါယနာကို (အေဒီ ၁၉၅၄) မြန်မာနိုင်ငံ ရန်ကုန်မြို့  ကမ္ဘာအေးကုန်းမြေရှိ မဟာပါသာဏလိုဏ်ဂူတွင် ထေရ၀ါဒငါးနိုင်ငံတို့မှ ကျမ်းဂန်တတ်ဆရာတော်များကို ပင့်ဆောင်၍ သင်္ဂါယနာတင်ခဲ့ကြသည်။ မြန်မာပြည်မှ မန္တလေး ညောင်ရမ်းဆရာတော် ဘဒ္ဒန္တရေ၀တ အမှူးပြုသော သံဃာတော်ပေါင်း (၂၄၀၀) နှင့် ယိုးဒယား၊ သီဟိုဠ်၊ ကမ္ဘာဒီးယား၊ လာအို ထို ၄ နိုင်ငံတို့မှ သံဃရာဇာဆရာတော်များနှင့် ကျမ်းတတ် ဆရာတော် (၁၄၄) စုစုပေါင်း ရဟန်းသံဃာတော် (၂၆၁၇ ) ပါးတို့က ပိဋကတ်တော်များ သန့်ရှင်းစင်ကြယ်စေရန်  ၂ နှစ်ကြာအောင် နှုတ်တက်အာဂုံဆောင် ရွတ်ဖတ်သရဇ္ဈာယ်၍ သင်္ဂါယနာတင်ခဲ့ကြသည်။ ရန်ကုန်မြို့  မဟာစည်သာသနာ့ရိပ်သာဆရာတော် ဘဒ္ဒန္တ သောဘဏထေရ်က အမေးပြု၍ မင်းကွန်းတိပိဋကဓရဓမ္မ ဘဏ္ဍာဂါရိက ဆရာတော် ဦးဝိစိတ္တမှ အဖြေပုဂ္ဂိုလ်ဝိဿဇ္ဖအဖြစ်ဆောင်ရွက်ခဲ့သည်။ ပစ္စယာနုဂ္ဂဟ ထောက်ပံ့ လှူဒါန်း သော ၀န်ကြီးချုပ်မှာ ဦးနု ဖြစ်သည်။

ပိဋကတ်တော်များကို ကျမ်းစာအုပ်ပေါင်း ပါဠိတော် ၄၀ အုပ်၊ အဌကထာ ၅၁ အုပ် နှင့် ဋီကာ ၂၆ အုပ်တို့ကို ဆဌသင်္ဂါယနာတင်ခဲ့သည်။ ထိုကဲ့သို့ သာသနာနှစ် ၂၅၀၀ အတွင်း သင်္ဂါယနာ ၆ ကြိမ်တင်၍ သာသနာကို သန့်ရှင်းစင်ကြယ်အောင်ပြုလုပ်ခဲ့ကြသော ရဟန်း၊ သံဃာများသည်သာ ဗုဒ္ဒသာသနာကို စောင့်ရှောက်သူများ အစစ်ဖြစ်ပါသည်။

ဗုဒ္ဓဘာသာဝင်များ အမှန်မြင်နိုင်ကြပါစေ။

ထေရ၀ါဒသာသနာရခိုင်တွင်ထွန်းကားလာပုံ(၂)

ထေရ၀ါဒသာသနာရခိုင်တွင်ထွန်းကားလာပုံ(၂)

ကျွန်တော်သည် ဆရာတော်အသျှင်ဉာဏိဿရ၏မိန်းခွန်းများအပေါ် ဆရာကြီးဦးဦးသာထွန်း (ရခိုင်မြန်မာပဏ္ဍိတ) မှ ဖြေကြားချက်များအနက် မိန်းခွန်းနံပါတ် (၁၉) ၏ ဖြေကြားရှင်းလင်းချက်ကို ၁၉၉၆ ခုနှစ် ထုတ်ဝေသော ရခိုင်သဟာယအသင်း မဂ္ဂဇင်းအမှတ် (၃) တွင်ေ၇းသားဖော်ပြပြီးဖြစ်ပါသည်။ ယခုဆရာတော်၏ မေးမြန်းခဲ့သော ကျန်မိန်းခွန်း (၅) ခုအပေါ် ဆရာကြီး၏ဖြေကြားရှင်းလင်းချက်များကို အပြည့်အစုံ ဖော်ပြရေးသားလိုက်ပါသည်။

မိန်းခွန်းနံပါတ် (၂) ဗုဒ္ဓ၏ပါဠိတော်အဠကထာတို့တွင်မပါရှိဘဲ မြတ်စွာဘုရားသည် ဓည၀တီပြည်သို့ ကြွရောက်ပြီး ကျောက်တော်တောင်၌ရပ်တန့်သည်ဟု ရေးသားပြောဆိုကြသည်။ ဤအကြောင်းကိုလည်း ရှင်းလင်းပေးပါ။ မိန်းခွန်းနံပါတ် (၃) ဗုဒ္ဓ၏ပါဠိတော်အဋ္ဌကထာစသည်တို့၌မပါရှိဘဲ မြတ်စွာဘုရားသည် စန္ဒသူရိယမင်းကြီးနှင့်တွေ့ဆုံပြီး မဟာမုနိဘုရားကိုသွန်းလုပ်ခဲ့သည်ဟု ရေးသားပြောဆိုကြသည်။ ဤအကြောင်းကိုလည်း ဖြေရှင်းပေးပါ။

အသျှင်ဘုရား၏မိန်းခွန်းနံပါတ် (၂) နှင့် (၃) ကို တပေါင်းတည်းဖြေကြားလိုပါသည်။ မေးခွန်းများမှာ တမျိူးတည်း ဖြစ်နေခြင်းကြောင့်ပါဘုရား။ တပည့်တော်သည် ရခိုင်ပြည်သို့ ဗုဒ္ဓဘာသာရောက်လာခဲ့ပုံကို နံပါတ် (၁) မေးခွန်းအပေါ် အသေးစိတ်ရှင်းလင်းလျှောက်ထားပြီးဖြစ်ပါသည်ဘုရား။ နောက်ထပ် လျှောက်ထားပါမည်ဘုရား။ တပည့်တော်တို့ ရခိုင်ပြည်တွင် ယခုကိုးကွယ်နေသော ဗုဒ္ဓဘာသာမှာ မြောက်ဦီးခေတ် ဘုရင်များ အုပ်စိုးခဲ့သောကာလမှ ဆက်ခံယူခဲ့သော ဗုဒ္ဓအယူဝါဒဖြစ်ပါသည်။

မြောက်ဦးခေတ်မတိုင်မှီ လောင်းကြက်မြို့ရှိခဲ့ပါသည်အရှင်ဘုရား။ ထိုမြို့ကိုအုပ်စိုးသောဘုရင်များမှာလည်း ဗုဒ္ဓဘာသာမင်းများဖြစ်ပါ၍ သာသနိကအဆောက်အဦးများစွာ တည်ထားခဲ့ပါသည်။ ရဟန်းပညာရှိများ ထွန်းကားခဲ့ပါသည်။ ဤလောင်းကြက်ဘုရင်များသည် ဗုဒ္ဓဘာသာကို နေရဉ္စရာမြို့တွင်အုပ်စိုးခဲ့သော ဘုရင်များမှတဆင့် လက်ခံယူခြင်းဖြစ်ပါသည်။ နေရဉ္စရာမြို့တွင် ထွန်းကားခဲ့သော ဗုဒ္ဓသာသနာမှာ ပုရိန်မြို့မှဆင်းသက်သော ဗုဒ္ဓသာသနာဖြစ်ပါသည်။ ပရိန်မြို့တွင်အုပ်စိုးခဲ့သောဘုရင်များသည် ပဉ္စမြို့မှ ဗုဒ္ဓသာသနာကို တဆင့်လက်ခံယူလာခဲ့ပါသည်။ ပဉ္စာမြို့ ဗုဒ္ဓသာသနာမှာလည်း ဝေသာလီမြို့မှ ဆင်းသက်လာခြင်းဖြစ်ပါသည်။ ဝေသာလီမြို့ကို စတင်တည်ထောင်သော မဟာတိုင်းစန္ဒြားမင်းကြီးသည် မဟာမုနိဘုရားတွင် ကုသိုလ်ကောင်းမှုပြုလုပ်ခဲ့ပါသည်။ သိမ်တော်နှင့်ပလ္လင်တော်များကို အသစ်တဖန်တည်ကြောင်း သမိုင်းမှတ်တမ်းများ၌ တွေ့ရပါသည်။

တပည့်တော် ရှေ့ကလျောက်ထားခဲ့သည့်အတိုင်း ထိုမင်းကြီးကုသိုလ်ကောင်းမှုပြုခဲ့သည်ကို မဟာမုနိဘုရားကုန်းတော် ဒုတိယအဆင့် အရှေ့တောင်ထောင့် ယက္ခသေနာပတိပနာဒရုပ်ထုတွင် စာရေးထိုးခဲ့ပါသည်။

အမှန်တည်ရှိခဲ့သောမြို့

ဤကဲ့သို့ မဟာတိုင်စန္ဒြမင်းကြီးသည် မဟာမုနိသိမ်းတော်ကို အသစ်တဖန်တည်ဆောက်သည်ဟုဆိုသဖြင့် မဟာတိုင်းစန္ဒြမင်းကြီးမတိုင်မှီကပင် သိမ်တော်အဟောင်းနှင့် မဟာမုနိရုပ်သျှင်တော်မှာ ဟိနှင့်နီပြီးဖြစ်ကြောင်း သိရပါသည်ဘုရား။ ယင်းသို့ဖြစ်လျင် ဝေသာလီခေတ်မတိုင်မှီ မည်သည့်ခေတ်ဟိခသည်ကို ခြီရာကောက်အတိုင်းလိုက်ပါလျှင် ဓည၀တီမြို့တော်မှာ စိတ်ကူးယဉ်ပြီးရွီးခသော မြို့တော်မဟုတ်ကြောင်း လီယာဉ်မှရိုက်ကူးထားသော ဓါတ်ပုံကိုကြည့်ခြင်းဖြင့် သိနိုင်ပါသည်။ အမှန်တကယ်ဟိခသော မြို့ဖြစ်ကြောင်း ပြည်တွင်းပြည်ပသမိုင်းပညာသျှင်များက ယုံကြည်လက်ခံပါသည်ဘုရား။

သပ္ပဒါနပကာရနကျမ်းမှာဟိ

တပည့်တောရို့၏သမိုင်းများတွင်လည်း တတိယဓည၀တီမြို့တော်ကို စန္ဒသူရိယမင်းတည်ကြောင်း ဖတ်ရပါသည်။ ဤစန္ဒသူရိယဘုရင် ဓည၀တီ၌ အုပ်စိုးစဉ်ကာလမှာ မြတ်စွာဘုရားသျှင် အနောက်မဇ္ဈိမဒေသ၌ ဟိနီချိန်ဖြစ်ပါသည်။ တပည့်တော်လက်ထဲတွင်ဟိနီသော သပ္ပဒါနပကာရနကျမ်းတွင် စန္ဒသူရိယမင်းလက်ထက် ဘုရားသျှင်ကိုယ်တော်တိုင် ဓည၀တီသို့ကြွရောက်ပြီး မဟာမုနိရုပ်ရှင်တော်ကိုသွန်းကြောင်း အသေးစိတ် ရွီးထားပါသည်။

ကျောက်စာက သက်သီခံ

၎င်းပြင် တောင်ပေါက်ကြီးကျောက်စာကလည်း သက်သီခံနီပါသည်ဘုရား။ မြတ်စွာဘုရားသည် စန္ဒသူရိယမင်းအား ဓမ္မစကြာတရားတော်နှင့် ရုပ်တုဆင်းတုတော်များကို တည်ထားကိုးကွယ်ခြင်းဖြင့်ရအပ်သော အကျိုးတရားများကို သတ္တုဗိမ္ဗပူဇနိယနိသေသသုတ္တန်ဖြင့်ဟောကြားခပါသည်။ ဤသုတ္တန်မူရင်းစာပီလည်း ဟိပါသည် အသျှင်ဘုရား။

ဂုဏ်ပြုထားသည့်ရုပ်တု

စန္ဒသူရိယမင်းအား မြတ်စွာဘုရား ဓမ္မစကြာတရားတော်ကိုဟောကြားနီဟန် ထုလုပ်ထားသော ကျောက်ပြားတချပ်ကိုလည်း တွိရပါသည်။ ဝေသာလီမဟာတိုင်း၊ စန္ဒြမင်းကြီးက စန္ဒသူရိယမင်းအား ဂုဏ်ပြုထုလုပ်ထားသော ရုပ်တုဖြစ်ဟန်တူပါသည်။

မြတ်စွာဘုရားသျှင်သည် ရခိုင်ပြည်ဓည၀တီကို ကြွရောက်စဉ်က သေလာဂီရိတောင်ပေါ်၌ရပ်တန့်ပြီး ဗျာဒိတ်တော်ပီးကြောင်း သပ္ပဒါနပကာရနကျမ်းတွင် အသေအချာဖော်ပြထားပါသည်။ ချစ်သားအာနန္ဒာ၊ ငါသည် ဘုရားဖြစ်ရန်အတွက် ဆယ်ပါးသောပါရမီတော်နှင့် သုံးဆယ်သောပါရီတော်ငယ်များကို ဖြည့်ဆည်းခရသောကာလ၌ ဤဓည၀တီပြည်တွင် အလီလီလူအဖြစ်ကျင်လည်ဖူးခသည်။ ယခုငါရပ်တန့်နီသော သေလာဂီရိတောင်၏အနီးပတ်ဝန်းကျင်တွင် ပန်းပွတ်သမားအဖြစ်နှင့် ငါနီထိုင်ခသည်။ ငါဘုရား ပရိဗ္ဗာန်စံလွန်ပြီး နောက်ကလ၌ ငါ၏ကြောရိုးတော်ဓာတ်ကို ဌာပနာ၍ စေတီတည်လတ္တံ့။ ကြောရိုးတော်ဓာတ်စေတီ တွင်လတ္တံဟု ဗျာဒိတ်ပီးခပါသည်။ ထိုဓာတ်တော်ကို နောက်ကာလတွင် ကျောက်တော်ဓာတ်စေတီဟု ခေါ်တွင်ပါသည်။ ထိုနာမည်ကို အစွဲပြု၍ မြစ်တဖက်ဟိမြို့ကိုလည်း ကျောက်တော်မြို့ဟု ခေါ်တွင်ပါသည်။

ရုပ်ရှင်တော်သွန်းကြောင်းယုံကြည်

ဤကဲ့သို့ ဘုရားဗျာဒိတ်ဝင် ဓာတ်တော်စေတီ (၂၄၈) ဆူဟိပါသည်။ ဤဓာတ်တော်စေတီများကို ဝေသာလီပြည်သျှင် မဟာတိုင်းစန္ဒြမင်းကြီးသည် ပြန်လည်ပြုပျင်ကြောင်း သမိုင်းမှတ်တမ်းအရ သိရပါသည်။ ဤအကြောင်းကိုထောက်၍လည်း ထိုဓာတ်တော်စေတီများမှာ ဝေသာလီခေတ်မတိုင်မှီကပင် ဟိနှင့်ပြီးဖြစ်ကြောင်း သိနိုင်ပါသည်။ ရခိုင်သမိုင်းစာပီနှင့်လည်းကောင်း၊ ရုပ်ဝတ္တုသက်သီဖြင့်လည်းကောင်း ကိုက်ညီနီပါ၍ စန္ဒသူရိယမင်းလက်ထက် မြတ်စွာဘုရားသျှင် ဓည၀တီသို့ကြွရောက်ပြီး မဟာမုနိရုပ်ရှင်တော်ကို သွန်းလုပ်ကြောင်း ယုံကြည်ပါသည်ဘုရား။

မန္တလေးမဟာမုနိ ဇာကရ

နောက်တချက်က ဆရာတော်ရို့မန္တလေးမြို့တွင်ဟိနီသော မဟာမုနိဘုရားကို ဇာကရယူခပါရေလဲဘုရား။ ဤမဟာမုနိဘုရားကို ဘိုးတော်ဘုရား၏သားတော်ကြီးဥပရာဇာသည် ရခိုင်ပြည်ကပင့်ယူခစွာ မဟုတ်ပါလားဘုရား။ ဤဘုရားကြီးသမိုင်းမှာလည်း ရခိုင်ပြည်ဓည၀တီပြည်သျှင် စန္ဒသူရိယမင်းသွန်းလုပ်ကြောင်း ရွီးထားပါသည်ဘုရား။ သမိုင်းအစောင်စောင်၌လည်း မဟာမုနိဘာရားကို စန္ဒသူရိယမင်းသွန်းလုပ်ကြောင်း တညီတညွတ်တည်းဖော်ပြထားပါသည်ဘုရား။ ယင်းမြတ်စွာဘုရား ကိုယ်တော်တိုင် ရခိုင်ပြည်သို့ကြွရောက်၍ သေလာဂီရိတောင်ပေါ်၌တထောက်ရပ်တန့်ပြီး စန္ဒသူရိယမင်းလျှောက်ထားသဖြင့် နန်းတော်သို့ကြွရောက်သီတင်းသုံးပြီး မဟာမုနိရုပ်ရှင်တော်ကို သွန်းလုပ်သည်မှာ မှန်ကန်ကြောင်း ဖြေကြားလိုပါသည် ဘုရား။

မိန်းခွန်းနံပါတ် (၄) သင်္ဂါယနာခြောက်တန်၌ မပါဘဲလျက် ရခိုင်ပြည်ဝေသာလီ ရွှေတောင်ကြီး၌ စတုတ္ထသင်္ဂါယနာကို တင်သည်ဟု ရွီးသားပြောဆိုကြသည်။ ဤအကြောင်းကိုလည်း ဖြေယှင်းပါ။

ဤမိန်းခွန်းနှင့်ပတ်သက်၍ တပည့်တော်အရှည်ဖြေကြားရမည်ဖြစ်ပါသည်ဘုရား။ ဘုရားသျှင် ပရိနိဗ္ဗာန်စံလွန်ပြီးမကြာမြင့်မှီကာလတွင် အဇာတသတ်မင်းကြီးသည် ပထမအကြိမ် သင်္ဂါယနာတင်ပါသည်ဘုရား။ တင်ရသောအကြောင်းရင်း၊ တင်ခသောနီရာနှင့်တိုင်းပြည်၊ တင်ရာ၌အားပီးအားမြှောက်ပီးသောဘုရင်၊ တင်ရာ၌ပါဝင်သောရဟန္တာများ၊ ဦးဆောင်သောရဟန္တာ၊ ရည်ညွှန်းသောဂါထာပုဒ်၊ ပါဠိတော်စသည်အားဖြင့် အင်္ဂါဆယ်တန်နှင့်ပြီးအောင်တင်ခကြောင်း ဖတ်ရပါသည်ဘုရား။

ပဉ္စမသင်္ဂါယနာတင်

တပည့်တော်ရို့ ရခိုင်ပြည်ဖက်ကစာပီတိမှာ သင်္ဂါယနာအကြောင်းနှင့်ပတ်သက်၍ သင်္ဂါယနာကြီး၊ သင်္ဂါယနာချေ (ငယ်) ဟူ၍ နှစ်မျိုးနှစ်စားတွိရပါသည်။ သဂါင်္ယနာကြီးများကို နံပါတ်စဉ်အတိုင်းရွီတွက်ပြီးလျှင် သင်္ဂါယနာငယ်များကိုတော့ မိမိရို့၏တိုင်းပြည်အတွင်း၌ နံပါတ်စဉ်တပ်တားခပါသည်။ လေးမြို့ခေတ်ပဉ္စာမြို့၌ ဘုရင်မင်းရင်ဖြူသည် ဧကဒသမမြောက်သင်္ဂါယနာကိုတင်၏ဟူ၍ ရွီးထားချက်ကိုတွိရပြီးလျှင် ၎င်းမင်းသည် ပဉ္စမမြောက်သင်္ဂါယနာကိုလည်းတင်၏ဟုလည်း တွိရပါသည်။ ဘုရင်တပါးတည်း သင်္ဂါယနာနှစ်ကြိမ်တင်ကြောင်း သိရပါသည်။ ဤသို့ဖြစ်လျှင် မင်းရင်ဖြူသည် သင်္ဂါယနာကြီးကို ပဉ္စမအကြိမ်တင်ပြီးလျှင် သင်္ဂါယနာငယ်ကို တဆယ့်တကြိမ်မြောက်တင်သည်ဟု မှတ်သားရပါသည်ဘုရား။

သမိုင်းမှတ်တမ်းမွှာိ

တပည့်တော် သင်္ဂါယနာတင်ခြင်းဆိုင်ရာ ရခိုင်ပြည်သို့စီးဆင်းလာသော ရီစီးကြောင်းကိုရာ လျှောက်ထားပါသည်ဘုရား။ တပည့်တော်ရှိက လျှောက်ထားသည့်အတိုင်း တပည့်တော်ရို့ရခိုင်တွင် မိမိရို့၏သာသနာဆိုင်ရာ ဆင်းသက်ပုံသည်လည်းကောင်း၊ မိမိလူမျိုးဆင်းသက်ရာ၎င်း၊ မြို့ပြအုပ်ချုပ်ရေး ဘုရင်မင်းဆက်များ စဉ်ဆက်ဆင်းသက်လာပုံကို သီးခြားတွိရပါသည်။ ဤအကြောင်းများကို မိမိရို့၏သမိုင်း မှတ်တမ်းများမှာ တွိရမည်ဖြစ်ပါသည် ဘုရား။

မြတ်စွာဘုရားပရိနိဗ္ဗာန်စွံလွန်ပြီးနောက် မကြာမှီကာလတွင် ပထမအကြိမ်သင်္ဂါယနာကို ရာဇဂြိုဟ်၌ကျင်းပပြုလုပ်ပါသည်။ အဇာတသတ်မင်းကြီးက အထောက်အကူပြုပြီး အသျှင်မဟာကဿပ ဦးဆောင်ပါသည်။ အသျှင်မဟာကဿပမိန်းသမျှ အသျှင်အာနန္ဒကဖြေကြားပြီး နှုတ်ထက်ရွတ်၍ သင်္ဂါယနာတင်ခပါသည်။ ပဇာကြောင့် သင်္ဂါယနာတင်သည်ဆိုပါသော် မြတ်စွာဘုရားပရိနိဗ္ဗာန်စံလွန်သောအခါ အလောင်းကောင်ကို နံ့သာထင်းများစုပုံပြီး မီးသင်္ဂြိုဟ်ရန်အတွက် မီးလျှို့သော်လည်း ထင်းများမှာ မီးမလောင်ပါဘုရား။ ပဇာကြောင့်ဆိုသော် ဘုရားသျှင်၏တပည့်ကြီးဖြစ်သော အသျှင်မဟာကဿပ မရောက်သိမ့်၍ဖြစ်ပါသည်ဘုရား။ တပည့်ငါးရာဖြင့် လမ်းခရီးမှာ ဟိနီပါသိမ့်သည်။ အသျှင်မဟာကဿပ၏ တပည့်ရဟန်းများမှာ ပုထုဇဉ်များဖြစ်ကြသည့်အတွက် ဘုရားသျှင်ပရိနိဗ္ဗာန်စံလွန်ပြီး ကြွင်းကျန်ရစ်သော ဓာတ်တော်များကိုမြင်ရလျှင် ဘုရား၏ကိုယ်ကာယမှဖြစ်သော ဓာတ်တော်များကို ယုံမှားသံသယဖြစ်ဖွယ်ဟိပါသည်ဘုရား။ မိမိမျက်မြင်ကိုယ်တွိမှ မြတ်စွာဘုရား၏ ကိုယ်ကာယတော်မှ ဓာတ်တော်များကြွင်းသည်ကို ယုံကြည်မည်ဖြစ်ပါသည်ဘုရား။ နောက်တချက်က ရဟန်းတော်များသည် မြတ်စွာဘုရားကို အသက်ရှင်စဉ်မဖူးမြော်ရသော်လည်း ပရိနိဗ္ဗာန်စံလွန်သောအလောင်းတော်ကို ဖူးမြော်ရလျှင်လည်း ဘုရားသျှင်အပေါ် ပိုမိုကြည်ညိုသဒ္ဓါပွားများစီရန်အတွက် မီးမလောင်ခြင်းဖြစ်ပါသည်ဘုရား။

အသျှင်မဟာကဿပနှင့်ရဟန်းများ ကုဿိနာရုံပြည်သို့လာရာလမ်းတွင် တခုသောသစ်ပင်ရင်း၌ နားတော်မူပါသည်။ ထိုအချိန်၌ တက္ကတွန်းတယောက်သည် မန္ဒာရ၀နတ်ပန်းကိုထီးလုပ်၍ဆောင်းပြီးလျှင် ကုဿိနာရုံပြည်ဖက်မှ ပါဝါပြည်ဘက်သို့ လာနီသည်ကို အသျှင်မဟာကဿပမြင်ပါသည်။ ထိုတက္ကတွန်း၏ပြောချက်အရ မြတ်စွာဘုရားပရိနိဗ္ဗာန်စံလွန်ကြောင်း ကြားသိရပါသည်။ မြတ်စွာဘုရား ပရိနိဗ္ဗာန်စံလွန်ကြောင်းကြားသိရသောအခါ အသျှင်မဟာကသပနှင့်ပါလာသော သုဘဒ္ဒရဟန်းသည် ဘုရားပရိနိဗ္ဗာန်စံလွန်သဖြင့် ငိုကျွီးနီသောရဟန်ုးရို့အား မငိုကျွီးရန်ပြောပြီး ဂေါတမမြတ်စွာဘုရားသည် ရဟန်းများကို ဤသည်သောအရပ်ကို မလားရ၊ ဤသည်သောအကျင့်ကို မကျင့်ရ၊ စသည်ဖြင့် ငါရို့ကိုချုပ်ချယ်သည်၊ ယခုပြုလိုရာ ပြုနိုင်ပြီဟုဆိုပါသည်။

ပထမသင်္ဂါယနာတင်
ထိုသုဘဒ္ဒရဟန်း၏စကားကိုကြားမိသော အသျှင်မဟာကဿပသည် များစွာတုန်လှုပ်မိပါသည်။ မြတ်စွာဘုရားသျှင်ပရိနိဗ္ဗာန်စံလွန်သည်မှာ ခုနှစ်ရက်တပတ်ရာဟိသိမ့်သည်။ ဘုရားဟောတရားတော်များနှင့် ၀ိနည်းတော်များကို မျက်ကွယ်ပြုမည့် အရိပ်အရောင်ပေါ်လတ်ပြီ။ သာသနာတော်ဆုတ်ယုတ်ရန်အကြောင်းများ ဖြစ်သည်ဟု စိတ်၌မှတ်သားမိပါသည်ဘုရား။ ယင်းကြောင့် ဘုရားသျှင်ဟောသမျကို ရဟန်းသံဃာတော်များမှစုပေါင်း၍ ပြန်လည်ရွှတ်ဆို သံဃာယနာတင်ရန် အကြံဖြစ်ပါသည်ဘုရား။ ယင်းကြောင့် အသျှင်မဟာကဿပအမှုးပြုသော ရဟန္တာငါးရာရို့သည် ပထမသင်္ဂါယနာကို တင်သည်မဟုတ်ပါလား ဘုရား။

ဒုတိယသင်္ဂါယနာတင်

မြတ်စွာဘုရားပရိနိဗ္ဗာန်စံ၍ နှစ်ပေါင်းတရာကြာသောအခါ ၀ိဇ္ဇီတိုင်းသားရဟနုးရို့သည် ၀ိနည်းသိက္ခာပုဒ်တော်များ၌ ပြင်ဆင်ချက် (၁၀) ချက်ကိုပြုလုပ်ပါသည်။ ဘုရားသျှင်၏၀ိနည်းတော်ကို ဖီဆန်လာကြသည်။ ယင်းကြောင့် ဝေသာလီပြည်တွင် ကာလသောကမင်းကတကာပြု၍ အသျှင်မဟာကဿပအမှုးပြုကာ ရဟန္တာခုနှစ်ရာ (၇၀၀) ရို့သည် ဒုတိယအကြိမ်သင်္ဂါယနာတင်ပါသည် ဘုရား။

တတိယသင်္ဂါယနာတင်

တတိယအကြိမ်သင်္ဂါယနာကို ပါဋလိပုတ်ပြည်သျှင်အသောကမင်းကြီးကဒကာပြု၍ ရဟန္တာအသျှင် မောဂ္ဂလိပုတ္တတိဿမထေရ်ကြီးအမှုးပြုလျက် ရဟန်းတထောင်ဖြင့်တင်ပါသည်။ ဤသည်ရို့မှာ မဇ္ဗျိမဒေသ၌ တင်ခသောသင်္ဂါယနာ သုံးတန်ဖြစ်ပါသည်။

စတုတ္ထသင်္ဂါယနာတင်

တပည့်တော်ရို့ ရခိုင်ဝေသာလီတွင် စတုတ္ထအကြိမ်သင်္ဂါယနာတင်ကြောင်းကို လျောက်ထားပါမည်ဘုရား။ ဝေသာလီခေတ်သည် အေဒီ (၄) ရာစုမှ (၉) ရာစုအထိ ထွန်းကားသောခေတ်ဖြစ်ပါသည်။ ထိုဝေသာလီမင်းများသည် ထေရ၀ါဒဗုဒ္ဓဘာသာဝင်များဖြစ်သဖြင့် သီဟိုဠ်နိုင်ငံနှင့် လူမှုရေးအရသော်၎င်း ဘာသာရေးအရသော်၎င်း၊ ဆက်ဆံမှုဟိပါသည်။ ယင်းကြောင့် ဝေသာလီဘုရင် သီရိစန္ဒြမင်း (သီရိသုဓမ္မ၀ိဇယမင်း) သည် သိဟိုဠ်မှ ရဟန်းသံဃာတထောင်ကိုပင့်ဆောင်ပြီး ရခိုင်ပြည်မှ ရဟန်းသံဃာတထောင် သံဃာနှစ်ထောင်ရို့ဖြင့် ဝေသာလီရွှေတောင်ကြီးတွင် သင်္ဂါယနာတင်ခပါသည်။

မေဓပညာမော်ကွန်းမှာ

အကြီးအမှုးပြုသောပုဂ္ဂိုလ်မှာ စူဠရေ၀တရဟန္တာမထေရ်ကြီးဖြစ်ပါသည်။ သုံးနှစ်ကြာအောင် ကြီးပြားငါးထောင်ပေါ်တွင်ရွီးသားပြီး သင်္ဂါယနာတင်ကြောင်း မေဓပညာမော်ကွန်းစာတွင် တွိရပါသည်ဘုရား။ သံဃာတော်များသီတင်းသုံးနိုင်ရန်အတွက် ရွေတောင်ကျောင်းကြီးကို ညီစွာညှိပြီး ကျောင်းတော်ကြီးငါးဆောင်ဆောက်လုပ်ကြောင်း ထိုမော်ကွန်းအရသိရပါသည်။ ကနိတိုင် ကျောင်းတော်ရာများကို တွိနိုင်ပါသည်။ မဇ္ဈိမဒေသတွင် အသောကမင်းကြီးတင်ခသောသင်္ဂါယနာမှာ တတိယအကြိမ်ဖြစ်သဖြင့် ထိုတတိယအကြိမ်မှဆက်လက်ရွီတွက်သောကြောင့် ဝေသာလီ၌တင်သော သင်္ဂါယနာမှာ စတုတ္ထအကြိမ်ဖြစ်ပါသည် ဘုရား။

သင်္ဂါယနာကြီး

သင်္ဂါယနာတင်ရာတွင် ဘုရား၏ပိဋကတ်တော်များကိုသိကျွမ်းကျင်သော ရဟန္တာများပါဝင်မှရာ အထမြောက်ကြောင်း သိရပါသည်ဘုရား။ ယင်းကဲ့သို့ ရဟန္တာများပါဝင်၍တင်ခသော သင်္ဂါယနာများကို ရခိုင်ရို့က သင်္ဂါယနာကြီးဟုခေါ်ပါသည်။ ဝေသာလီတွင်တင်သော သင်္ဂါယနာနှင့် ရခိုင်ပြည်မှ ၀ိပဿနာဓူရ ရဟန်းငါးရာ၊ ဂန္ဓာဓူရ ရဟန်းငါးရာပါဝင်ပြီး သီဟိုဠ်က လည်းထိုအတိုင်းပါဝင်ကြောင်း မော်ကွန်းအရသိရပါသည်။ ဤအကြောင်းများကို တပည့်တော်ရို့ ဆင်းရဲမွဲတေနီ၍ ပုံနှိပ်ဖို့မတတ်နိုင်ပါသိမ့်ဘုရား။ ထုတ်ဝီပီးဖို့ပုဂ္ဂိုလ်လည်း မဟိသိမ့်ပါ။ ရွီးနိုင်သောပုဂ္ဂိုလ်များဟိပါသိမ့်သည် ဘုရား။ ယင်းကဲ့သို့ စာပုံနှိပ်ပြီး မထုတ်ဝီနိုင်သဖြင့် သိသူနည်းပါးနီပါသည်။ ဟိလျက်နှင့်နည်းနီခြင်းရာဖြစ်ပါသည်။ တချိန်ချိန်မှာ ထွက်ပေါ်လာပါလိမ့်မည်။

သင်္ဂါယနာတင်သည့်ကိစ္စနှင့် တပည့်တော်တခုလျှောက်ထားလိုပါသည်။ သင်္ဂါယနာတင်ခြင်းမှာ မြတ်စွာဘုရား သဗ္ဗညုတရွှေညာဏ်တော်ရသည်မှစပြီး ၀ါဆိုလကပင် ပရိနိဗ္ဗာန်စံသည့်ကာလအထိ လေးဆယ့်ငါးဝါအတွင်းဟောကြားခသော ပိဋကတ်တော်များကို သင်္ဂါယနာတင်ပါရေလား။ (သို့မဟုတ်) သီရိဓမ္မသောကမင်းကြီးလက်ထက် ဗုဒ္ဓသာသနာတော်ကိုသန့်စင်ခသည့်အကြောင်းများကိုပါ တတိယအကြိမ် သင်္ဂါယနာတင်သည်မှာ ထည့်သွင်းခပါရေလား။ ထိုနည်းတူသီဟိုဠ်တွင် စတုတ္ထသင်္ဂါယနာတင်ခသော ၀ဋ္ဋဂါမဏိမင်းကြီး၏ဆောင်ရွက်ချက်များကိုပါ စတုတ္ထသင်္ဂါယနာတွင် ရွီးသားမှတ်တမ်းတင်ခပါရေလား။ တပည့်တော်ရို့ ဝေသာလီတွင်တင်ခသော သင်္ဂါယနာအကြောင်းကို စာပီများ၌လည်းကောင်း၊ သမိုင်းရုပ်ကြွင်း အထောက်အထားများဖြင့်လည်းကောင်း တွိရပါသည်။ တပည့်တော်ရို့နှင့်တကွ နိုင်ငံခြားသုတေသီရို့ လက်ခံထားပါသည်ဘုရား။

မိန်းခွန်းနံပါတ် (၅) ရခိုင်ပြည်ဟိဓာတ်တော်များကို ကျောက်ရိုးတော်ဓာတ်၊ ဦးရာဇ်တော်ဓာတ်၊ လိုင်ရိုးတော် ဓာတ်စသည့်ဖြင့် အမျိုးမျိုးအမည်းပီထားကြသည်။ ဤအကြောင်းကိုလည်း ပါဠိတော်အဋ္ဌကထာ၌ မတွိရ၍ ဖြေယှင်းပီးပါ။

ဘုရားသျှင်ပရိနိဗ္ဗာန်စံလွန်၍ မီးလောင်ကျွမ်းသောအခါ ဓာတ်မွီတော်နှစ်မျိုး ကြွင်းကျန်ပါသည်။ တမျိုးမှာ အသမွိန္နဓာတ်တော်နှင့် သမွိန္ဒဓာတ်တော်များဖြစ်ပါသည်။ အသမ္ဗိန္နဓာတ်တော်များမှာ နဖူးသင်းကျစ်တော်တဆူ၊ ညှပ်ရိုးတော်နှစ်ဆူ၊ စွယ်တော်လေးဆူဖြစ်ပါသည်။ သမ္ဗိန္နဓာတ်တော်များမှာ အရောင်သုံးမျိုးနှင့် အရွယ်အစားသုံးမျိုးကြွင်းကြောင်း ရခိုင်ဓာတုဝင်ကျမ်း၌ ရွီးထားပါသည်။ မြတ်စွာဘုရား၏တကိုယ်လုံးမှ ဓာတ်တော်ပေါင်းသျှစ်စရွက်ကြွင်းပါသည်။ ကွမ်းစားအားဖြင့် တဆယ့်ခြောက်ကွမ်းစားဖြစ်ပါသည်။ အရောင်အဆင်းအားဖြင့် ရွှေရောင်၊ ပွတ်သစ်စခရုသင်းရောင်၊ ချရားစိအရောင်ရို့ဖြစ်ပါသည်။ ဘုရားသျှင်၏ကိုယ်မှကြွင်းကျန်ရစ်သောဓာတ်တော်များကို နှစ်ပြည်ထောင်မင်းရို့အား ဒေါနပုဏ္ဏားက ၀ီပီးပါသည်။ မိမိရို့အရပ်ဒေသများတွင် ကိုးကွယ်ကြပါသည်။ ထိုဓာတ်တော်များကို မကြာမှီ အဇာတသတ်မင်းတိုက်ယူပြီး ရာဇဂြိုဟ်ပြည်မှာ မြီထဲစေတီတည်၍ထားကိုးကွယ်ပါသည်။ ဓာတ်တော်အကြောင်း ဤနီရာတွင်ဆုံးနီပါပြီ။ ဤသည်ကား ပေါင်တော်ဓါတ်၊ မျက်လုံးတော်ဓါတ်၊ လိုင်ရိုးတော်ဓါတ်စသည်ဖြင့် အဋ္ဌကထာ၌ မပါဟိပါ။

ဓာတ်တော်များရောက်ရှိပုံ

သို့သော် ထိုဓာတ်တော်များမှာ ကနိထိ ရခိုင်ပြည်၌ အမည်နာမနှင့်တကွ တည်ဟိနီပါသိမ့်သည်။ ဤဓာတ်တော်များ ရခိုင်ပြည်သို့ ပဇောင်ပိုင်ရောက်လာသည်ကို ယှင်းလင်းလျှောက်ထားပါမည်။ မြတ်စွာဘုရားပရိနိဗ္ဗာန်စံလွန်ပြီး နှစ်ပေါင်းသျှစ်ရာတဆယ့်သျှစ်နှစ်အကြာတွင် ပါဋလိပုတ်ပြည်၌ သီရိဓမ္မသောကမင်းကြီး ထီးနန်းစိုးစံပါသည်။ ထိုမင်းကြီးသည် ဓမ္မာခန္ဓာပေါင်း သျှစ်သောင်းလေးထောင်ကိုရည်စူးပြီး စေတီတည်လိုသဖြင့် မြတ်စွာဘုရား၏ဓာတ်မွီတော်များကို ရှာဖွေပါသည်။ အဇာတသတ်မင်းပြုထားခသောဓာတ်တော်များကို တူးဖော်ယူပါသည်။ ထိုဓာတ်တော်များမှာ ရွှေပန်းကန်တွင် အားလုံးတစုတပေါင်းတည်းဖြစ်နီပါသည်။ ထိုဓာတ်တော်များကို အသျှင်မောဂ္ဂလိပုတ္တတိဿမထေရ်သည် အသားမှဖြစ်သောဓာတ်၊ အရိုးမှဖြစ်သောဓာတ်၊ အသွီးမှဖြစ်သောဓာတ်စသည်ဖြင့် ခွဲခြားပါသည်။ အသေးစိတ်အားဖြင့် ဦးခေါင်းတော်ဓာတ်၊ ဦးနှောက်တော်ဓာတ်၊ မျက်လုံးတော်ဓာတ်စသည်ဖြင့် မြတ်စွာဘုရား၏အင်္ဂါကြီးငယ်မှဖြစ်သောဓာတ်တော်များကို တခုချင်းခွဲခြမ်းပြီး သီရိဓမ္မသောကမင်းအား ပီးသနားပါသည်။

သီရိဓမ္မသောကမင်းကြီးသည် ဓာတ်တော်များကိုရဟိသောအခါ ဌာပနာသည်။ ဤစေတီတည်ရမည့် နီရာဒေသများကို အသျှင်မောဂ္ဂလိပုတ္တတိဿအား မိန်းလျှောက်ပါသည်။ ထိုအခါ အသျှင်မောဂ္ဂလိပုတ္တတိဿက တကာတော်မင်းကြီး ဤဓာတ်တော်များကို ဌာပနာပြီး စေတီတည်ရန်နီရာဒေသများမှာ မြတ်စွာဘုရား သက်တော်ထင်ရှားဟိစဉ်ကပင် ဗျာဒိတ်တော်ပီးခသော နီရာတိုင်းတွင် စေတီတည်ရမည်ဟု ပြောပါသည်။ ထိုနီရာများသို့ စေတီတည်ရန်အတွက် ဓာတ်တော်များပို့ဆောင်ရမည်ဖြစ်ကြောင်း မိန့်မြွက်ပါသည်။ ထိုအခါ အသျှင်မောဂ္ဂလိပုတ္တတိဿမထေရ်သည် အသျှင်ဗာဟုလမထေရ်နှင့် အသျှင်တိဿမထေရ်ရို့အား မြတ်စွာဘုရားဗျာဒိတ်တော်ပီးတော်မူခသည့် ရခိုင်ပြည်အနှံ့နီရာများတွင် စေတီတည်ထားရန် ဓာတ်တော်များကို ပို့စီပါသည်။

သူရိယစက္ကမင်းလက်ထက်မှာ

ထိုအသျှင်ရို့သည် ကောင်းကင်ခရီးဖြင့် ရခိုင်ပြည်သို့ ကြွရောက်ပါသည်။ ယင်းအချိန်တွင် ရခိုင်ပြည်ဓည၀တီတွင် သူရိယစက္ကမင်ကြီးမင်းပြုလျက်ဟိပါသည်။ ထိုဓာတ်တော်များကို အသျှင်နှစ်ပါးသည် သူရိယစက္ကမင်းကြီးအား ပီးအပ်ပြီး စေတီတည်မည့်အရပ်များကို ပြောကြားပါသည်။ သူရိယစက္ကမင်းကြီးသည် ဓာတ်တော်များလက်ခံယူပြီး မှူးကြီးမတ်ကြီးစစ်သူကြီးများကို စေတီတည်ရန်အတွက် ဓာတ်တော်များပီးအပ်ပြီး မြတ်စွာဘုရား ဗျာဒိတ်တော်မြွက်ဆိုခသည့်နီရာတိုင်းသို့ လားရောက်၍စေတီတည်စီပါသည်။ မြတ်စွာဘုရား ရခိုင်ပြည်သို့ ကြွရောက်သောအခါ ရပ်တန့်တော်မူပြီး ဗျာဒိတ်ပီးခသော သေလာဂီရိတောင်တော်၌ ကျောက်ရိုးတော်ဓာတ်ကို ဌာပနာပြီး စေတီတည်ပါသည်။ မဉ္စူပဗ္ဗတတောင်တွင် ချက်တော်ဓာတ်ကို ဌာပနာ၍ စေတီတည်ပါသည်။ မိဂပဗ္ဗတတောင်၌ သင်းကျစ်တော်ဓာတ်ကို ဌာပနာ၍ စေတီတည်ပါသည်။

တပြည်လုံးမှာ

ဤသို့ဖြင့် ရခိုင်ပြည်တခုလုံးတွင် ဗျာဒိတ်ဝင်စေတီ (၂၄၈) ဆူကို တည်ထားကိုးကွယ်ခပါသည်။ ဓာတ်စေတီများကို မြတ်စွာဘုရားပရိနိဗ္ဗန်စံလွန်ပြီးမှ တည်ထားခြင်းဖြစ်သောကြောင့် မြတ်စွာဘုရားသည် ဓာတ်တော်များကို ဤသည်က ဦးခေါင်းတော်ဓာတ်၊ ဤသည်ကား ဦးနှောက်တော်ဓာတ်၊ ပေါင်တော်ဓာတ်၊ ခြီသလုံးတော်ဓာတ်စသည်ဖြင့် ခွဲခြမ်းဟောကြားခြင်းကို မပြုနိုင်တော့ပါဘုရား၊ ယင်းကြောင့် ဘုရားဟောပါဠိတော် အဋ္ဌကထာစသည်ရို့မှာ မပါဟိခြင်းဖြစ်ပါသည် ဘုရား။

အမှန်တည်သောဓာတ်တော်များ

အဋ္ဌကထာစသည်ရို့မှာမပါဟိသော်လည်း ကနိထက်တိုင် ကျောက်ရိုးတော်ဓာတ်၊ လိုင်ရိုးတော်ဓါတ်၊ ချက်တော်ဓါတ်၊ လျှာတော်ဓာတ်စသည်ဖြင့် တည်ဟိနီပါသည်။ ဤဓာတ်တော်အမည်များကိုလည်း ဓည၀တီခေတ်မှစပြီး ခေတ်အဆက်ဆက်ဘုရင်များ ပြန်လည်ပြုပျင်ခသည်ကို ကမ္ဗည်းကျောက်စာ ထိုးခပါသည်ဘုရား။ ယင်းကြောင့် ဘုရားဟောပါဠိတော် အဋ္ဌကထာစသည်ရို့မှာ မပါသော်လည်း အမှန်စင်စစ်တည်ဟိသော ဓာတ်မွီတော်များဖြစ်ကြောင်း လျှောက်ထားပါသည် ဘုရား။ ဓာတ်မွီတော်စေတီများမှာ ကစ္ဆပနဒီခေါ်ကုလားတန်မြစ်၏၀ဲယာတလျှောက်၌လည်းကောင်း၊ အဉ္စနနဒီခေါ် လေးမြို့မြစ်၏ ၀ဲယာတလျှောက်၌ လည်းကောင်း၊ သရီရနဒီခေါ်သရီချောင်း၏ ၀ဲယာတလျှောက်၌လည်းကောင်း၊ ရန္ဓနဒီခေါ် ရမ်းချောင်း၏ ၀ဲယာတလျှောက်၌လည်းကောင်း၊ ရမ်းဗြဲကျွန်း၊ ဖရုံကာကျွန်း၊ သံတွဲစသော နီရာဒေသအနှံ့ ရခိုင်တပြည်လုံးတွင် မြတ်စွာဘုရား၏ ဓာတ်တော်များတည်ထားခပါသည်။ ဗုဒ္ဓ၏ဓာတ်တော်နိုင်ငံဟုလည်း ခေါ်သင့်ပါသည်။

မိန်းခွန်းနံပါတ် (၆) ရခိုင်ပြည်တွင်အသုံးပြုသောပါဠိတော်များမှာ မြန်မာမူဖြစ်သလော၊ မည်သည့်မူနည်း။ သင်္ဂါယနာခြောက်တန်တွင်ပါသောမူ ဖြစ်သလော၊ ဖြေယှင်းပီးပါ။

တပည့်တော်ရို့ ရခိုင်ပြည်တွင် အသုံးပြုခဲ့သော ပိဋကတ်ကို ကြိုးတန်းပိဋကတ်တော်ဟု ခေါ်ပါသည်။ မြန်မာနိုင်ငံကိုရောက်ဟိသော ပိဋကတ်တော်မှာ သထုံကတဆင့် အနော်ရထာမင်းယူခဲ့သော ပိဋကတ်ဖြစ်ကြောင်း သိရပါသည်။ သထုံပိဋကတ်မှာလည်း သီဟိုဠ်မှတဆင့်ရောက်လာသော ပိဋကတ်ဖြစ်၍ သီဟိုဠ်ပိဋကတ်ခေါ်ကြောင်း သိရပါသည်ဘုရား။ သီဟိုဠ်မှာလည်း သျှင်မဟာဗုဒ္ဓဃောသပိဋကတ်နှင့် သီဟိုဠ်နိုင်ငံသားရို့အခေါ် စရိယပိဋကတ်ဟူ၍ ဟိပါသည်ဘုရား။ ထိုင်း၊ ဗီယက်နမ်၊ လာအိုရို့မှာဟိသောပိဋကတ်ကို ဇင်းမယ်ပဏ္ဏာသပိဋကတ်တော်ဟုခေါ်ကြောင်း သိရပါသည်။

ကြိုးတန်းပိဋကတ်

တပည့်တော်ရို့ ရခိုင်ပိဋကတ်ကို ပဇာကြောင်းကြောင့် ကြိုးတန်းပိဋကတ်ဟုခေါ်ရခြင်းကို ယှင်းပြပါမည်ဘုရား။ ပထမအကြိမ် သင်္ဂါယနာမူအတိုင်း ဒုတိယအကြိမ် သင်္ဂါယနာတင်ပါသည်။ ဒုတိယအကြိမ် သင်္ဂါယနာတင်မူအတိုင်း တတိယအကြိမ် သင်္ဂါယနာတင်ပါသည်။ ရခိုင်ပြည်တွင်လည်း စတုတ္ထအကြိမ်သင်္ဂါယနာတွင် တတိယအကြိမ်ကမူအတိုင်း သင်္ဂါယနာတင်ပါသည်။ ဤကဲ့သို့ မူရင်းအတိုင်း အဆင့်ဆင့် စတုတ္ထအကြိမ်ထိ ဆင်းသက်လာသော်လည်း ပိဋကတ်တော်များကို ဖြည့်စွက်ခြင်း၊ ပျင်ဆင်ခြင်း၊ နှုတ်ပယ်ခြင်း လုံးဝမပြုဘဲ တသဝေမတိမ်း ရခိုင်အခေါ် စာမျဉ်းအချွတ်ပင်လျှင် မှန်ကန်သော ပိဋကတ်တော်ဖြစ်ပါသည်။ စာမျဉ်းဆိုသည်မှာ မျဉ်းကြောင်းကိုခေါ်ခြင်းဖြစ်ပါသည်။ ရှိစကားမှာ မျဉ်းကြောင်းကို ကြိုးတန်းဟုခေါ်ပါသည်။ ဥပမာအားဖြင့် သစ်တုံးတတုံးကို လွှဆရာက ဗဟိုခွဲလိုလျှင် သစ်တုံး၏ခေါင်းမှနီ၍ မီးသွီးသုတ်လိမ်းထားသောကြိုးကို အလယ်ကျအောင်ထားပြီး အခြားတဖက်မှ လူတဦးက ကြိုးကိုတင်းအောင်ကိုင်၍ ကြိုးကိုဆွဲရိုက်ရပါသည် ထိုအခါ မီးသွီးသုတ်လိမ်းထားသော ကြိုး၏အကြောင်းသည် သစ်တုံးပေါ်၌ ထင်ရှားစွာပေါ်ပါသည်။ လုံးဝကောက်ကွေ့ခြင်းမဟိပါ။ ထိုနည်းတူစွာ ရခိုင်ပြည်ဟိ ပိဋကတ်တော်များမှာလည်း ကြိုးတန်းသည် အကောက်အကွေ့မဟိသကဲ့သို့ ပြုပျင်ခြင်း၊ ပျင်ဆင်ခြင်း၊ နုတ်ပယ်ခြင်းတည်းဟူသော ချို့ယွင်းချက် အကောက်အကွေ့မဟိပါသဖြင့် ကြိုးတန်းပိဋကတ်ဟုခေါ်ပါသည်။

ပိဋကတ်တိုက် လေးဆယ့်သျှစ်ခု

ရှိရခိုင်ဘုရင်များအုပ်စိုးသောခေတ်က မြောက်ဦးပတ်ဝန်းကျင်တွင် သံဃာတထောင်ဆံ့သော ကျောင်းတော်ကြီး သုံးဆယ့်ခြောက်ကျောင်းဟိကြောင်း မှတ်သားရပါသည်။ ထိုကျောင်းတော်ကြီးများ၌ ဗုဒ္ဓစာပီကိုသင်ကြားသော သံဃာတော်များသည် ကြိုးတန်းပိဋကတ်တော်ကိုစံထား၍ လေ့လာကတ်ပါသည်။ ထိုပိဋကတ်တော်များ ထားဟိရန်အတွက် ပိဋကတ်တိုက်ခေါ်ပုထိုးများကို မြောက်ဦးမြို့နေရာအနှံ့တွင် တွိရပါသည်။ သမိုင်းအဆိုအရ ပိဋကတ်တိုက်ပေါင်း လေးဆယ့်သျှစ်ခုဟိကြောင်း သိရပါသည်။ ယခုအခါ ပြိုပျက်လားသဖြင့် အချို့တ၀က်ကိုရာ တွိရပါသည်။ ယခုထက်တိုင် အကောင်းပကတိတွေ့ရသော ပိဋကတ်တိုက်မှာ (ချိန်ကိုက်) ပိဋကတ်တိုက်၊ (ဘက်တော်) ပိဋကတ်တိုက်၊ (မယ်တော်ကူ) ပိဋကတ်တိုက်ရို့ ဖြစ်ပါသည်။

ယင်းကြောင့် ရှိခေတ်ကရွီးသားခသောပီစောင်များ၌ ဝေသာလီတွင် သင်္ဂါယနာတင်ခစဉ်က မူအဖြစ်ထားခသော ကြိုးတန်းပိဋကတ်တော်မှတဆင့် ရွီးကူးခြင်းဖြစ်ကြောင်းကို ပီစာ၏အဆုံး၌ ကြိုးတန်းပိဋကတ်တော်အတိုင်း ရွီးကူးခြင်းဖြစ်ပါသည်ဟု ရွီးထားသည်ကို ကနိတိုင် ပီစာများ၌ တွိနိုင်ပါသည် ဘုရား။

တပည့်တော်သည် အသျှင်ဘုရား၏မိန်းခွန်းများကို ယှင်းလင်းဖြေဆိုခဲ့သည်မှာ လေးနာရီခန့်ကြာမြင့်ပါပြီ။ တပည့်တော်၏ယှင်းလင်းဖြေဆိုချက်များကိုလည်း သဘောပေါက်လက်ခံလိမ့်မည် ထင်ပါသည်။ အသျှင်ဘုရားရို့မှာ ဘုရားဖူရန်လည်းဟိနီပါသိမ့်၍ တပည့်တော်၏ယှင်းလင်းဖြေဆိုချက်များကို အဆုံးသတ်ခွင့်ပြုပါဘုရား။

ဆရာကြီး၏ဖြေကြားလျှောက်ထားချက်အပေါ် အသျှင်ညာဏိဿရဆရာတော်ကြီးမှ နောက်ထပ် မိန်းမြန်းခြင်းမပြုတော့ဘဲ ဘုရားဖူးရန်အတွက် ညဇာသား (၅) ချက်တီးခန့်တွင် သျှစ်သောင်းပုထိုးတော်ကြီးမှ ကြွလားတော်မူပါသည်။

ဘာသာတရား

ဘာသာတရား (Religion) ကမ္ဘာ့သမိုင်းတွင် အရေးကြီးသော အခန်းကဏ္ဍတစ်ရပ်အနေဖြင့် ပညာရေးဆိုင်ရာလေ့လာမှု၌ ဘာသာတရားဟူသော ဝေါဟာရကို၊ တစ်နည်းအားဖြင် Religion ဟူသော အင်္ဂလိပ်စကားလုံး၏ အဓိပ္ပာယ်ကို ရှုထောင့်အထွေထွေမှ တွေးမြင်သုံးသပ်နိုင်ပေသည်။ ဘာသာတရားဟူသည် နာမ်ပိုင်းဆိုင်ရာ အတွေ့အကြုံပိုင်းဖြစ်ပါသည်။ အယူဝါဒရေးရာ လေ့လာဆန်းစစ်ချက်သီအိုလိုဂျီ သို့မဟုတ် တတ်သိလိမ္မာသူ ပညာရှင်တို့၏ အယူဝါဒ ပုံဖော်မူတစ်ရပ်ဟူ၍လည်း ရှုမြင်ကြပေသည်။ ဘာသာတရားဟူသည် လူမှုကိုယ်ကျင့်တရား၏ မြစ်ဖျားခံရာ ပဓာနအရင်းအမြစ်ဖြစ်သကဲ့သို့ လူ့ဘောင်လောကအတွက် ကိုယ်ကျင့်သိက္ခာ စည်းမျဉ်းများ၏ အခြေခံအုတ်မြစ်လည်းဖြစ်သည်။ လူ့ယဉ်ကျေးမှု၏ ပဓာန အရေးကြီးသော အခန်းကဏ္ဍတစ်ရပ်ဖြစ်သည်မှာ ထင်ရှားလှပေသည်။

နိုင်ငံတကာရှိ လူမျိုးအသီးသီးတွင် ယုံကြည်ကိုးကွယ်ရာ ဘာသာယူဝါဒ အများအပြားရှိသော်လည်း ပဓာန ဘာသာရပ်ကြီး လေးမျိုးသာ ရှိပါသည်။ ပေါ်ထွန်းရာ သက္ကရာဇ် အစဉ်အတိုင်း ဆိုရသော် ဟိန္ဒူ ဘာသာ၊ ဗုဒ္ဓဘာသာ၊ ခရစ်ယာန်ဘာသာ၊ အစ္စလာမ် ဘာသာများ ဖြစ်လေသည်။ 

(၅)အခြားဘာသာငယ်လေးများ-(ဂျိမ်းဘာသာ၊ ဆစ်ခ်ဘာသာ၊ ဇိုရိုအက်စတာဘာသာ၊ ရှင်တိုဘာသာစသည်များ)  

(၆) နတ်တင်၊ နတ်ပသဘာသာ

(၇) ဘာသာမဲ့ဘာသာဟူ၍ (၇)အုပ်စုခန့်ရှိပါသည်။

1 ဘာသာတရား အစ ကိုးကွယ်မှုက 2 ဖွင့်ဆိုချက်များ 3 ခြားနားချက် 4 ရည်ညွှန်းကိုးကား

ဘာသာတရား အစ ကိုးကွယ်မှုက

ကမ္ဘာလောကမှလူအများသည် ကမ္ဘာဦးကာလမှစ၍ ရောဂါအသွယ်သွယ် အန္တရာယ်အမျိုးမျိုး ဘေးဆိုးကပ်ဆိုး အတန်တန်တို့ကို ရင်ဆိုင်တွေ့ကြုံ ခံစားခဲ့ကြရသည်။ ယခု ရင်ဆိုင်နေကြရ၍ နောင်လည်း ရင်ဆိုင်နေကြရဦးမည်ဖြစ်သည်။ ထို ရောဂါအသွယ်သွယ် အန္တရာယ်အမျိုးမျိုး ဘေးဆိုးကပ်ဆိုး အတန်တန်တို့ကို တွေ့ကြုံကြရသောအခါ ဘေးအန္တရာယ်တို့မှ ကာကွယ် စောင့်ရှောက်နိုင်မည့် ပုဂ္ဂိုလ်ကို မျှော်လင့်ခဲ့ကြသည်။ ရှာဖွေခဲ့ကြသည်။ ကိုးကွယ်ရာအဖြစ် အသိအမှတ်ပြုလိုခဲ့ကြသည်။ ယင်းသို့ဖြင့် မြစ်များ၊ ချောင်းများ၊ သစ်ပင်တောတောင်များသည် လူတို့၏ ကိုးကွယ်ရာအဖြစ်သို့ ရောက်ခဲ့ကြရသည်။ အသိဥာဏ် မဖွံ့ဖြိုးသေးသော ကမ္ဘာဦးကာလ လူသားများသည် မြစ်ကို နတ်ဘုရားအဖြစ် ထင်မှတ်ခဲ့ကြသည်။ မြစ်သည် သောက်စရာရေကိုလည်း ပေးသည်။ သစ်ပင်သီးနှံကိုလည်း ဖြစ်ထွန်းစေသည်။ ရေထဲမှ စားစရာ သားငါးကိုလည်း ရသည်။ ဤသို့ လူတို့၏ အကျိုးစီးပွား ဖြစ်ထွန်းစေသလို တစ်ခါတရံတွင် မြစ်ရေများလျှံတက်၍ လူတို့စိုက်ပျိုးထားသော သီးနှံပင်များ၊ လယ်ယာစိုက်ခင်းများ၊ ကျွဲနွားတိရစ္ဆာန်များကို ဖျက်ဆီးပစ်တတ်သည်။ လူတို့၏အသက်စည်းစိမ် ချမ်းသာများကို ချေမှုန်းပစ်တတ်သည်။ လူတို့အား အကျိုးပြုခြင်း၊ ဖျက်ဆီးခြင်း နှစ်မျိုးကို ပြုတတ်သောကြောင့် မြစ်ကိုပင် ဖန်ဆင်းရှင်အဖြစ် ထင်မှတ်လာခဲ့ကြသည်။ ထိုမြစ်၌ မျက်စိနှင့်မမြင်နိုင်သော တန်ခိုးရှင်နတ်ဘုရား ရှိမည်ဟု ယုံကြည်လာကြတော့သည်။

လူတို့၏ကောင်းကျိုး ဆိုးကျိုးကို မျက်စိနှင့် မမြင်ရသော ထိုနတ်ဘုရားက စီရင်ဖန်တီးနေသည်ဟု ခံယူခဲ့ကြသည်။ ထို့အတူ မီး၊ ရေ၊ လေ တို့ကို၎င်း သစ်ပင်တောတောင်များကို၎င်း ယုံကြည်မှတ်ထင်ကာ ကိုးကွယ်ခဲ့ကြသည်။ မီး၊ ရေ၊ လေ အဆင့်မှ မီးနတ်၊ ရေနတ်၊ လေနတ် စသည်ဖြင့် တစ်ဆင့်တက်၍ ယုံကြည်လက်ခံကြပြန်သည်။ မျက်စိနှင့် မမြင်နိုင်သည့် များပြားလှသော နတ်များကိုလည်း မှန်းဆကိုးကွယ်ခဲ့ကြသည်။ စိုးရိမ်ကြောက်လန့်မှု၊ မျှော်လင့်အားကိုးမှု တို့ကို အခြေခံ၍ မျက်ရမ်း မှန်းဆမှု အနေမျိုးဖြင့် အစပျိုးခဲ့သည်။ ကာလကြာသောအခါ စဉ်းစားဆင်ခြင်တတ်သော ဥာဏ်ဖြင့်ယှဉ်သော ကိုးကွယ်မှုကို ပို၍ နှစ်သက်ကြလေသည်။ ဆင်ခြင်တုံတရားနှင့် သုံးသပ်ဆင်ခြင်၍ ကိုးကွယ်လာခဲ့ကြသည်။ လက်တွေ့မျက်မြင်ဘ၀ လောက်ကိုသာ မကြည့်တော့ဘဲ အနာဂတ်ဘ၀ကိုလည်း ပတ်ဝန်းကျင် သဘာဝ ဖြစ်ရပ်များ၏ စေ့ဆော်မှုကြောင့် ရှုမြင်သုံးသပ်လာခဲ့ကြသည်။ ငြိမ်းချမ်းမှုကို တကယ်ပေးနိုင်သည့် အစွမ်းသတ္တိ ရှိမရှိကိုလည်း အကဲဖြတ်ခဲ့ကြ၏။ ဤသို့ဖြင့် ကိုးကွယ်မှု သမိုင်းကြောင်းသည် ပြောင်းလဲလာသည်။ ကိုးကွယ်မှုများသည် ဒေသတစ်ခုနှင့် တစ်ခု မတူကြတော့ဘဲ ဘာသာတရားအဖြစ် ပြောင်းလဲလာသည်။

ဖွင့်ဆိုချက်များ

ဘာသာတရား၏ သဘာဝနှင့် အဓိပ္ပာယ်ကို ပညာရှင်တို့သည်လည်း မိမိတို့ စရိုက်ဝသီအတိုင်း အမျိုးအမျိူး ရှုမြင်ကြသကဲ့သို့ ခြားနားများပြားသော ထင်ကြေးများကိုလည်း ပေးကြလေသည်။ အယ်လ်ဒပ်စ် ဟပ်စလေ (Aldous Huxley) ၏ အဆိုအရ ဘာသာတရားဟူသည် အဓိကအားဖြင့် ပညာရေးစနစ်တစ်ခုဖြစ်ပြီး ယင်းဖြင့် လူသားတို့သည် မိမိတို့၏ ကိုယ်ရည်ကိုယ်သွေးပေါ်တွင်လည်းကောင်း၊ မိမိတို့လှုပ်ရှားကျင်လည်နေရသော လူမှုအဖွဲ့အစည်းပေါ်တွင်လည်းကောင်း လိုလားနှစ်သက်အပ်သော အပြောင်းအလဲများ ပိုင်ဆိုင်ရရှိစေရန် မိမိတို့ကိုယ်ကို ပထမလေ့ကျင့်နိုင်သည်။ ဒုတိယအဆင့်တွင် သိမြင်မှတ်သားမူဆိုင်ရာ သတိစွမ်းရည်ကို မြှင့်တင်နိုင်ပြီး၊ ဤသို့ဖြင့် နေထိုင်ရာ သဘာဝစင်္ကြာဝဠာနှင့် သူတို့အကြား ကူးလူးဆက်ဆံမှုများ၏ လုံလောက်ပြည့်စုံမှုကို တည်ဆောက်ဖန်တီးနိုင်ပေသည်။

ဒေါက်တာရာဓ ခရစ်ရှနန် (Dr.Radhakrishnan) ကဲ့သို့ ခေတ်သစ်အိန္ဒိယ အတွေးအခေါ်ရှင်များက `ဘာသာတရားဟူသည် လိုက်နာကျင့်သုံးမှုဆိုင်ရာ ကျမ်းစာအစုအဝေးကို ခေါ်ဆိုခြင်းမဟုတ်ဘဲ စိတ်ပိုင်းဆိုင်ရာ အတွေ့အကြုံတစ်ရပ်သာဖြစ်သည်´ဟု ဖွင့်ဆို တင်ပြကြ၏။ သူတို့ဆိုလိုသော ဘာသာရေးအတွေ့အကြုံဟူသည်လည်း `လူနှင့်နတ်ဝိညာဉ်တို့၏ ပူးကပ်တည်ရှိမှု´အား သိမြင် နားလည်မှုအပေါ် အခြေခံသည်ဟု ဆို၏။ စာရေးဆရာကြီး အိပ်ခ်ျ ဂျီဝဲလ် (H. G. Wells) ကလည်း `ဘာသာတရားဟူသည် ကျွန်ုပ်တို့၏ စာရိတ္တကျင့်ဝတ်ကို အဆုံးအဖြတ်ပေးသော ပညာရေးဗဟိုချက်မဖြစ်သည်ဟု ဆို၏။ ဂျာမန်ဒဿနပညာရှင် ကန့် (Kant) ၏ အဆိုအရ `ဘာသာတရားဟူသည် သွေဖည်၍မရသော၊ မမှိတ်မသုန် လက်ခံကျင့်သုံးရမည်ဖြစ်သော ဥပဒေတရားများကဲ့သို့ ကျွန်ုပ်တို့၏ ကိုယ်ကျင့်တရားဆိုင်ရာ စည်းမျဉ်းများကို နာလည်လက်ခံမှုတစ်ရပ်ဖြစ်သည်´ဟူလို။

ဗုဒ္ဓဂေါတမ၏ ဘာသာတရားကို ဘ၀နေထိုင်မှုလမ်းစဉ်တစ်ရပ်အဖြစ် အဓိပ္ပာယ်ဖွင့်ဆိုချက်မှာ `မကောင်းမှုဟူသမျှကို ရှောင်ကျဉ်ခြင်း၊ ကုသိုလ်ကောင်းမှုများကို ပွားများအောင် အားထုတ်ပြီး ဘ၀ကို ပျိုးထောင်မြှင့်တင်ခြင်း နှင့် ကိလေသာ အညစ်အကြေးမှ ကင်းဝေးစေလျက် မြင့်မြတ်ဖြူစင်စေသော စိတ်နှလုံးကို အစဉ်ထိန်းသိမ်းခြင်း´ (ဓမ္မပဒ၊ ၁၈၃) ဟူ၍ဖြစ်သည်။

ခြားနားချက် 
ကျွန်ုပ်တို့၏ ရည်ရွယ်ချက်များအတွက် ဘာသာတရား၏ အဓိပ္ပာယ်ကို အလွန်ကျယ်ပြန့်စွာဖွင့်ဆိုနိုင်ရကား ဘာသာတရားဟူသည် စာရိတ္တကျင့်ဝတ်နှင့် တွေခေါ်မြော်မြင်မှုဆိုင်ရာ ဆုံးမသြ၀ါဒများ၏ သိုအောင်းခိုမှီးရာ ပဓာနကိုယ်ထည်ဖြစ်ပြီး၊ ထိုကဲ့သို့သော အဆုံးအမများကို ယုံကြည်မှုသဒ္ဓါတရားဖြင့် လိုက်နာကျင့်သုံးခြင်းဖြစ်ပေသည်။ ဤအဓိပ္ပာယ်ရှုထောင့်မှ ကြည့်လျှင် ဗုဒ္ဓ၏အဆုံးအမကို ဘာသာတရားဟု ခေါ်ဝေါ်သတ်မှတ်နိုင်ပေရာသည်။ သို့ရာတွင် ဗုဒ္ဓဘာသာသည် ယခင်ပြဆိုခဲ့သော အထွေထွေယေဘုယျ ဖွင့်ဆိုချက်များနှင့်ကား တိတိပပ မကိုက်ညီလှချေ။ အကြောင်းမူကား ဗုဒ္ဓဘာသာသည် အခြားသော ဘာသာအယူဝါဒများနှင့် များစွာသော ခံယူချက်တို့တွင် တူညီမှု မရှိသောကြောင့်ဖြစ်သည်။ 

ထိုဘာသာအုပ်စု(၇)မျိုးတို့တွင်

(၁) ဟိန္ဒူဘာသာ၏ အယူဝါဒ ဗြာဟ္မဏတို့ ဟောကြားထားအပ်သော “ဝေဒကျမ်းစာ”လာ အဆိုအမိန့်များကို လက်ခံလိုက်နာ ကျင့်သုံး၏။ သက်ရှိ၊ သက်မဲ့အရာအားလုံး ဖန်ဆင်းနိုင်စွမ်းရှိသည်ဆိုသော “ဖန်ဆင်းရှင် မဟာဗြဟ္မာ” ထာဝရ ဘုရားသခင်ကို ယုံကြည် သတ်မှတ် ဆည်းကပ် ကိုးကွယ်၏။

(၂) ဗုဒ္ဓဘာသာ၏ အယူဝါဒများ ဗုဒ္ဓနှင့် ဗုဒ္ဓသားတော်တို့ ဟောကြားအပ်သော “ပိဋကတ်ကျမ်းစာ”လာ အဆို အမိန့်များကို လိုက်နာ ကျင့်သုံး၏။ ဗုဒ္ဓ၊ ဓမ္မ၊ သံဃာရတနာသုံးပါးကို အသိအမှတ်ပြုဆည်းကပ်ကိုးကွယ်၏။ သို့ရာတွင် “မိမိသည်သာမိမိ၏ ဘုရားသခင်ဖန်ဆင်းရှင်” ဟု အလေးအနက်ယုံကြည်။

(၃) ခရစ်ယာန်ဘာသာ၏ အယူဝါဒမှာ တမန်တော်ယေရှုခရစ်နှင့် ယင်း၏ သာဝကတို့ ဟောကြားထားအပ်သော “သမ္မာကျမ်းစာ” လာ အဆိုအမိန့်များကို လက်ခံ၊ လိုက်နာကျင့်သုံး၏။ သက်ရှိသက်မဲ့အရာအားလုံးကို ဖန်ဆင်းနိုင်စွမ်းရှိသည်ဆိုသော “ဖန်ဆင်းရှင် ယေဟိုးဝါး” ထာဝရ ဘုရားသခင်ကို ယုံကြည်သတ်မှတ် ဆည်းကပ် ကိုးကွယ်၏။

(၄) အစ္စလာမ်ဘာသာ၏အယူဝါဒမှာ တမန်တော်မိုဟာမက်နှင့် ယင်း၏သာဝကတို့ ဟောကြားထားအပ်သော “ကိုရ်အာန်ကျမ်းစာ” လာ အဆို အမိန့်များကို လက်ခံ လိုက်နာ ကျင့်သုံး၏။ သက်ရှိ၊ သက်မဲ့အရာအားလုံးကို ဖန်ဆင်းနိုင်စွမ်းရှိသည်ဆိုသော “ဖန်ဆင်းရှင် အလ္လာ” ထာဝရ ဘုရားသခင်ကို ယုံကြည် သတ်မှတ် ဆည်းကပ် ကိုးကွယ်၏။

ဘာသာကြီး(၄)မျိုးတွင် ဗုဒ္ဓဘာသာတစ်ခုသည်သာ “မိမိမှတပါး အခြားဖန်ဆင်းရှင် ထာဝရဘုရားမရှိ” ဟု အတိအလင်းငြင်းဆို၏။ ကြွင်းဘာသာကြီး(၃)မျိုးကား “အတ္တ၀ါဒ” များချည်းဖြစ်၍ “မိမိမှတပါး အခြားဖန်ဆင်းရှင် ထာဝရဘုရားသခင်ရှိ၏” ဟု လက်ခံ၏။ ဗုဒ္ဓဘာသာတစ်ခုတည်းကသာ တိရစ္ဆာန်လည်ချောင်းသွေးဖြင့် ယဇ်ပူဇော်ခြင်းကို “မကောင်းမှုအကုသိုလ်အလုပ်” ဟု အတိအလင်းရှုတ်ချ၏။

ခရစ်ယာန်ဘာသာကား ထိုကိစ္စကို ချီးလည်းမချီးမွမ်း၊ ရှုတ်လည်းမရှုတ်ချ၊ ရေငုံနှုတ်ပိတ်နေ၏။ ဟိန္ဒူဘာသာနှင့် အစ္စလာမ်ဘာသာများက ထိုကိစ္စကို “ကောင်းမှုကုသိုလ်အလုပ်” ဟု ချီးမွမ်း၏။

(၅) ဘာသာငယ်လေးများတွင် 

(က) ဂျိမ်းဘာသာ၏ အယူဝါဒမှာ မဟာဝီရနှင့် ယင်း၏သာဝကများ ဟောကြားထားအပ်သော “အဟိံသ” ကျမ်းစာလာ အဆို အမိန့်များကို လက်ခံ လိုက်နာ ကျင့်သုံး၏။ ဂျိမ်းဘုရား မဟာဝီရကို သဗ္ဗညုဗုဒ္ဓ အဖြစ် ယုံကြည် သတ်မှတ် ဆည်းကပ်ကိုးကွယ်၏။

(ခ) ဆစ်ဘာသာ၏အယူဝါဒမှာ ဂုရုနာနတ်က ပြုပြင်ဟောကြားထားသော “ဝေဒကျမ်းစာ”လာ အဆိုအမိန့်များကို လက်ခံလိုက်နာ ကျင့်သုံး၏။ ဟိန္ဒူဘာသာခွဲ တစ်ခုဖြစ်၍ သက်ရှိသက်မဲ့အရာအားလုံးကို ဖန်ဆင်းနိုင်စွမ်းရှိသည်ဆိုသော “ဖန်ဆင်းရှင်မဟာဗြဟ္မာ” ထာဝရ ဘုရားသခင်ကိုပင် ယုံကြည်သတ်မှတ် ဆည်းကပ် ကိုးကွယ်၏။ အမှာ။ ။ အခြားဘာသာ ငယ်လေးများ၏ အကြောင်းကိုကား အသေးစိတ် မမှတ်မိတော့၍ မောင်အံ့(မဟာဝိဇ္ဇာ) ရေးသားသော ဗုဒ္ဓဘာသာ ရေးသားသော (၂၅၀၀) ခရီး စာအုပ်တွင် ဖတ်ရှုလေ့လာ မှတ်သားကြပါဟု အကြံပြုပါ ရစေ။

(၆) နတ်တင်၊ နတ်ပသ၏ အယူဝါဒမှာ ပါးစပ်ရာဇ၀င်ဆရာတို့အစဉ်အဆက်ပြောကြားလေ့ရှိသော ဒဏ္ဏာရီပုံပြင်လာ နတ်သမိုင်း ဆိုင်ရာအဆို အမိန့်များကို လက်ခံ လိုက်နာ ကျင့် သုံး၏။ နတ်ဒေ၀တာ အမျိုးမျိုးကို အားကိုးရာ အစစ်ကယ်တင်ရှင်များအဖြစ် ယုံကြည် သတ်မှတ်ကိုးကွယ်၏၊။

(၇) ဘာသာမဲ့ဘာသာ၏ အယူဝါဒမှာ ဘုရားမဲ့၊ တရားမဲ့၊ သံဃာမဲ့၊ ဘာသာမဲ့၊ ရုပ်ဝါဒီ သိပံသုတေသီတို့၏ အဆိုအမိန့်များကို လက်ခံလိုက်နာကျင့်သုံး၏။ ထိုရုပ်ဝါဒီ သိပံသုတေသီဆိုသူများကိုပင် အမှန်တရား ဖော်ထုတ်နိုင်စွမ်းရှိသော အာဇာနည် သူရဲကောင်းများ အဖြစ် ယုံကြည် သတ်မှတ် ဆည်းကပ် ကိုးကွယ်၏။ ဘာသာမဲ့ဘာသာ၏ အဓိကအားနည်းချက်မှာ တစ်ခေတ်တစ်ချိန်က အမှန်တရားအဖြစ် အတိအလင်း ထုတ်ဖော်ထားသော “သီအိုရီ” တစ်ခုသည် နောင် တစ်ခေတ် နောင် တစ်ချိန်တွင် အမှားအဖြစ် အတိအလင်းပင် ၀န်ခံကြရ ပြန်ခြင်း ဖြစ်၏။

ရည်ညွှန်းကိုးကား

၁။  အနာဂါရိက ဓမ္မာပါလ(ရွှေဘိုမိမိကြီး)

၂။  Buddhism As A Religion by K Sri Dhamananda

၃။ ဆရာဦးသန်းဦး(သာမဏေကျော်)စိတ္တသုခတောရကျောင်း၊မုဒုံမြို့-(တိုင်ချတောင်ခြေစခန်း)

၎။ အရှင်ဇ၀နလင်္ကာရ(တိုင်ချတောင်ခြေစခန်း)စိတ္တသုခတောရကျောင်း၊ မုဒုံမြို့

Grey hair ဆံပင်ဖြူတာ

Grey hair ဆံပင်ဖြူတာ

ကျွန်တော် အသက်က(၂၅)ပါ ဘာကြောင့် ဆံပင်ဖြူတာလဲ ဆိုတာကို သိချင်တာပါ။ ဘယ်လိုလုပ်ရင်ရော ပျောက်နိူင်မလဲ။ ဆံပင်ဖြူတာ မျိုးရိုး ဗီဇ နဲ့ရောဆိုင်ပါသလား၊ သွေးကြောင့်လား၊ ပူလို့လား၊ ကျွန်တော် ခန္ဓာကိုယ်က အရမ်းတော့ ပူတယ်။ နူတ်ခမ်းတွေတောင် ခြောက်ခြောက်နေတယ်။ ကျေးဇူးပြူပြီး စာပြန်ပေးပါ။

ကျွန်တော်တို့က ဆံပင်ကိုဖြူတယ် ပြောကြပေမဲ့ အင်္ဂလိပ်လိုကြ Gray/Grey လို့ သုံးတယ်။ တကယ်ကို ဖြူဖွေးနေတာကို White or Silver အဖြူရောင်၊ ငွေရောင်လို့ သုံးတယ်။ (ကာလာ-သီအိုရီ) အရပြောရင် မီးခိုးရောင် ဟာ မျက်စိကို အေးစေ၊ နွေးစေပါတယ်။

ဆံပင်ဖြူလာတာဟာ အသက်ရလာတာရဲ့ ပဌမလက္ခဏာလို့ ပြောနိုင်တယ်။ ငယ်ငယ်ရွယ်ရွယ်နဲ့လဲ ဖြူကြတယ်။ ဘာလို့ ဖြူရသလဲ။ ဆံပင်အခြေကထွက်တဲ့ Melanin (Eumelanin and Pheomelanin) ဆိုးဆေးထွက်တာ ရပ်သွားလို့ပါ။ ဘာလို့ ဒီအကောင်က မထွက်ရတော့တာလဲ။ စိတ်ဖိစီးတာ၊ အာဟာရ နည်းတာတွေကို လက်ညှိုးထိုးနိုင်တယ်။ နောက်ထိုးရမဲ့ လက်ညှိုးက မိဘတွေကို၊ မျိုးဗီဇကြောင့်ပါ။ ရေနွေးပူပူနဲ့ ခေါင်းလျှော်တာ၊ ရေခြောက်အောင် လျှပ်စစ်နည်းသုံးတာ၊ ဦးရေခွံ မသန့်တာတွေလဲ ပါသေးတယ်။ စိတ်ဝင်စာဘို့ ကောင်းတာက သေသွားသူတွေရဲ့ဆံပင်လဲ ကြာရင် အရောင် ပြောင်းတယ်။ (မန်မီ) တွေကို စစ်တော့ သိလာရတာ။

ဟော်လီဝုဒ် အကျော်အမော်တွေထဲမှာ မင်းသား George Clooney နဲ့ John Slattery မင်းသမီး Helen Mirren နဲ့Meryl Streep တို့က ဆံပင်ဖြူတွေပါ။ မင်းသမီး Jennifer Aniston က အသက် ၄၀ ထဲဝင်တော့ ဆံပင်ဖြူလို့ ငိုရသူတဲ့။ X-Men ထဲမှာ Ororo Munroe (Storm) အဖြစ် သရုပ်ဆောင်ရသူ Halle Berry က ဆံပင် ဆွတ်ဆွတ် ဖြူနေတယ်။

လူအဖြူတွေက ဆံပင်စောဖြူတယ်။ အာရှသား အညိုတွေက အလယ်အလတ်နဲ့ လူအမဲတွေက နောက်ကျမှ ဖြူကြတယ်။ ဆံပင်ပြောတာ အသားတော့ ဖြူမလာကြဘူး။ ရောဂါတွေထဲမှာ Albinism ဖြစ်တာ၊ Vitiligo ရှိတာ၊ Werner syndrome နဲ့ Vitamin B12 နည်းတဲ့ Pernicious anemia သွေးအားနည်းရောဂါတွေက ဆံပင်ဖြူတာနဲ့ တွဲနေတတ်တယ်။ ဆီးချို (၂) အမျိုးအစားနဲ့လဲ ဆက်နေတာ တွေ့ရတယ်။ Grave's, Hashimoto's, hyperthyroidism, hypothyroidism လည်ပင်းကြီး ရောဂါတွေက ဆံပင်ဖြူတတ်တယ်။ အမျိုးသမီးတွေ သွေးဆုံးချိန် စောရင်လဲ ဖြစ်တယ်။ ဆေးလိပ်သောက်တာလဲ ပါသေးတယ်။

ဖြူနေမှတော့ ဘာလုပ်ရမလဲ။ Dyeing ဆေးဆိုးပေါ့။ ဆံပင်ဖြူတာ သက်သာစေ-ပျောက်စေမဲ့ ဆေးပညာကလက်ခံတဲ့ ဆေးဝါး၊ အစားအစာနဲ့ ဗီတာမင် ဆိုတာ မရှိသေးပါ။

ဒါပေမဲ့ အစားအစာတွေမှာ ဆံပင်နက်စေတယ်လို့ အများယူဆကြတာတွေ ရှိတယ်။ Hijiki seaweed ပင်လယ်မှော်၊ Blackstrap molasses တင်လဲရည်၊ Black sesame seeds နှမ်းမဲ၊ Nettles ဖက်ယားပင်၊ Wheat grass ဂျုံပင်၊ Chlorophyll အစိမ်းရောင်တွေ ပါတယ်။ များတော့ မများစေနဲ့။ ရှောင်ရမဲ့ အစားတွေထဲမှာ အသား၊ နွားနို့ထွက်အစာ နဲ့ ဆား မများစေရပါ။

ဒန်းပန်းကို သဘာဝအဆီအနှစ်လို့ မြန်မာတွေက လက်ခံသုံးနေခဲ့တာ ရှေးကတည်းပါ။ “တိုင်းပြည်ရဲ့ လည်ဆွဲရတနာ ပြည့်တန်ဆာ သီရိမာ ကို ရံရွေတွေက ဒေါင်းမြီးယပ်နဲ့ ခတ်ပေး၊ လက်သည်းကို ဒန်း ဆိုးပေး” လို့ ပုံဖေါ်တာ ဖတ်ဘူး လိမ့်မယ်။ ဆံပင်မှာလဲ Henna coloring ဒန်းဆိုးဆေးသုံး သဘာဝနည်းနဲ့ ပြန်မဲအောင် လုပ်နိုင်တယ်တဲ့။ Amla paste ဆီးဖြူသီးကထုတ်တာနဲ့လဲ လုပ်ကြတယ်။ Coconut oil and Lemon အုန်းဆီစစ်စစ်နဲ့ သံပုရာရည် ရောပြီး ဆံပင်နဲ့ ဦးရေခွံကို နှိပ်နယ်တာလဲ လုပ်နိုင်ပါတယ်။

တရုတ် ဆေးနည်း၊ အိန္ဒိယ ဆေးနည်း၊ အာယုဗေဒ နည်းတွေမှာ ဆံပင်အတွက်နည်းတွေ ရှိတယ်။ Neela, Bringaraja နဲ့ Vibhitaki တွေပါတဲ့ Ayurvedic hair oil အာယုဗေဒဆီ လိမ်းကြတယ်။ He Shou Wu, Polygonum multiflorum or Fo-Ti ခေါ်တဲ့ တရုပ်တိုင်းရင်းနည်းဆေးကလဲ နာမည်ကြီးတယ်။

Dr. တင့်ဆွေ

အောက်မေ့ခြင်းမှ အမှတ်တရသို့

ဆန္ဒရှိသည်ဖြစ်စေ၊ မရှိသည်ဖြစ်စေ သက်ရှိသတ္တ၀ါမှန်လျှင် တနေ့နေ့ တချိန် ချိန်တွင် အသက်ဇီဝိန် ချုပ်ငြိမ်းကြရမည်ပင်။ ထိုသက်ရှိသတ္တ၀ါများထဲတွင်မှ အသိဉာဏ်အရှိဆုံးဟု ဆိုကြလေကုန်သော ကျွန်ုပ်တို့လူသားများသည်လည်း အဘယ်သို့သော အသိဉာဏ်ပညာများဖြင့် မိမိကိုယ်ကိုယ်မိမိ ကာကွယ်သည် ဖြစ်စေ အချိန်တန်လျှင် အိမ်ပြန်ကြရမည် ဆိုသကဲ့သို့ သေရွာကို လားကြရ မည်ပင်ဖြစ်သည်။

သို့သော် သေရွာသို့ လားပုံလားနည်းကား တဦးနှင့်တဦး မတူညီဘဲ ကွဲပြား ခြားနားကြလေသည်။ တချို့က လူ့ပြည်လောကအတွက် ကောင်းကျိုးချမ်း သာကို ဖြစ်စေသော စေတနာကြီးမားသည့် လုပ်ရပ်ကောင်းများကို ချန်ထား ရစ်ခဲ့ပြီး သေရွာသို့ လားကြ၏။ သာမန်လူအများစုကမူ ပွဲပြီးမီးသေဆိုသကဲ့သို့ ကြီးကြီးမားမား လုပ်ဆောင်ချက် ဘာမျှမကျန်ရစ်ခဲ့ဘဲ သေလျှင် ပြီးသွားကြသည်သာဖြစ်၏။ တချို့တချို့ကမူ ရှင်စဉ်ကာလက လူအများကို ဆိုးကျိုးဒုက္ခအမျိုးမျိုး ပေးပြီး နာမည်ဆိုးဖြင့် သေရွာသို့ လားကြကုန်၏။ ထိုသို့ သေပုံသေနည်း မတူညီကြသည့်အလျောက် သေပြီးသည့်နောက် ကျန်ရစ်ခဲ့သည့် ကိစ္စရပ်များတွင်လည်း ကျန် ရစ်ပုံ ကျန်ရစ်နည်း အမျိုးမျိုး ကွဲပြားခြားနားသွားကြသည်ပင် ဖြစ်ပါသည်။

ဆရာဇော်ဂျီ သက်ရှိထင်ရှားရှိစဉ်ကာလက မြန်မာစာ၊ မြန်မာမှုနှင့် မြန်မာလူမျိုးတို့၏ အကျိုးအတွက် စေတနာ ရှေ့ထား ဆောင်ရွက်ခဲ့သည့် အမျိုးသားရေးလုပ်ဆောင်ချက်များကား အမြောက်အမြားပင်ဖြစ်ပါသည်။ ဇော်ဂျီ နှင့် မြန်မာကဗျာ၊ ဇော်ဂျီနှင့် ခေတ်စမ်းစာပေ၊ ဇော်ဂျီနှင့် ပြဇာတ်စာပေ၊ ဇော်ဂျီနှင့် ဘာသာပြန်စာပေ၊ ဇော်ဂျီနှင့် ဝေဖန်ရေးစာပေ၊ ဇော်ဂျီနှင့် ၀တ္ထုတို၊ ၀တ္ထုရှည်အတတ်ပညာ၊ ဇော်ဂျီနှင့် စာကြည့်တိုက်ပညာ၊ ဇော်ဂျီနှင့် သ မိုင်း၊ ဇော်ဂျီနှင့် ဒဿနစာပေ၊ ဇော်ဂျီနှင့် ပညာရေးဆိုင်ရာ ဆောင်ရွက်ချက်များ ... စသည် စသည်ဖြင့် ဆရာ ဇော်ဂျီနှင့် ခွဲခြားမရသော လုပ်ဆောင်ချက်များကား ဒုနဲ့ဒေးပင်ဖြစ်သည်။ ထိုသို့သော လုပ်ဆောင်ချက်များ ကြောင့်လည်း ဆရာဇော်ဂျီ၏ ကျေးဇူးတရားများကို ကျနော်တို့ မြန်မာတမျိုးသားလုံးက မမေ့နိုင်ကြခြင်းဖြစ်ပါ သည်။

ဆရာဇော်ဂျီသည် ကိုယ်တိုင် လောကကောင်းကျိုးချမ်းသာအတွက် ဆောင်ရွက်ခဲ့ရုံမက ကျန်ရစ်သူ လောက လူသားတို့အားလည်း လူ့ပြည်လောက ကောင်းကျိုးအတွက် သူဖြစ်စေချင်သော ဆန္ဒမွန်ကို ကဗျာတပုဒ်ဖြင့် အလေးအနက် တိုက်တွန်းခဲ့ပါသေးသည်။

သင်သေသွားသော် ...

သြော် ... လူ့ပြည်လောက၊ လူ့ဘ၀ကား
အိုရ နာရ၊ သေရဦးမည်
မှန်ပေသည်တည့်။

သို့တပြီးကား၊ သင်သေသွားသော်
သင်ဖွားသောမြေ၊ သင်တို့မြေသည်
အခြေတိုးမြင့်၊ ကျန်ကောင်းသင့်၏။

သင်၏ မျိုးသား၊ စာစကားလည်း
ကြီးပွားတက်မြင့်၊ ကျန်ကောင်းသင့်၏။

သင်ဦးချ၍၊ အမျှဝေရာ
စေတီသာနှင့်၊ သစ္စာအရောင်
ဉာဏ်တန်ဆောင်လည်း
ပြောင်လျက်ဝင်းလျက် ကျန်စေသတည်း။ ။

အဲ၊ သြ၊ အော၊ အို၊-အဲမောင်းရေး မှ အိုင်ကြီး ၁၈-အိုင် အဲမောင်းရေး ၃၇-မျိုး။

အဲ၊ သြ၊ အော၊ အို၊-အဲမောင်းရေး မှ အိုင်ကြီး ၁၈-အိုင်
အဲမောင်းရေး ၃၇-မျိုး။ ။ လှံတံမျိုး ထိုးဟန်ပြရေးဟူ၏။
(၁) ပယ်ဝန်း- သက်တင် ရေသောက်ဟန်၊
(၂) ပယ်စိတ်- ခြင်္သေ့တန်းဆွဲဟန်၊
(၃) ပယ်ခွဲ- စလွယ်တင်ဟန်၊
(၄) စန္ဒရရှက်- သိကြား တန်ဆောင်ကိုင်ဟန်၊
(၅) လေးကျွန်းမှန်ကူ- ဗြဟ္မာ လက်လှမ်းဟန်၊
(၆) ဘုံနန်းတန်ဆောင်- က ဦးဟန်၊
(၇) စွန်ဝဲ- ဟင်္သာ တောင်ယက်ဟန်၊
(၈) ဆင်ထူး- စွန်တောင်ဖြန့်ဟန်၊
(၉) ရွှေနန်းတိုင်စီ- ကြင်စပန်း တင်ဟန်၊
(၁၀) ကြာချပ်- တင်ပိုက်စီးဟန်။
(၁၁) အုန်းပင်ရေသွန်း- ဂဠုန် တောင်ညှပ်ဟန်၊
(၁၂) နွယ်ထွက်-တိမ်ချည်ဖုံးဟန်၊
(၁၃) စွန်သုတ်-တံပိုးသွဲ့ဟန်၊
(၁၄) ရှစ်မြှောင့်ခိုနန်း- အမြီးသွေးဟန်၊
(၁၅) လက်ယာဆက်ကြာဖူး- လက်ဝဲစလွတ်တင်ဟန်၊
(၁၆) နွယ်ဝင်- ပြည်လုံးရစ်လည်ဟန်၊
(၁၇) န၀တတ်ရေလည်- ကြက် မိုးစွတ်ခါဟန်၊
(၁၈) ရာဇမတ်-ရေရစ်လည်ဟန်၊
(၁၉) ခိုနန်းပုံလိမ်- က ညောင်းတင်ဟန်၊
(၂၀) ရွှေတံခွန်- ပင်လယ်တောင်ဝှေးစွဲဟန်။
(၂၁) မြင်းမိုရ်ပုံလိပ်- လက်ဝဲက ဦးဟန်၊
(၂၂) ကြာယပ်- လက်ဝဲရင်အုပ်ဟန်၊
(၂၃) နတ်သားဗိမာန်-လက်ယာရင်အုပ်ဟန်၊
(၂၄) ကျွဲတုံးတင်- ရေ>ပက် ဟန်လွှဲဟန်၊
(၂၅) မင်တင်- ၀ါကြိတ်လိမ်ဟန်၊
(၂၆) ကွန်ရုံးတက်- ခြည်သွတ်ဟန်၊
(၂၇) ခရုပတ်- ပုစ္ဆန်းတန်းဆွဲဟန်၊
(၂၈) အောက်ချင်းပုံ တံဆိပ်-ရွှေလှံမောက်တိုရိပ် ကစားဟန်၊
(၂၉) ပိုးခြည်လွှား- ဘယ်ညာ လှံရေးကစားဟန်၊
(၃၀) ကြာသွတ်အိုး-ရွှေလှံဝဲရစ်ထောက် ကစားဟန်။
(၃၁) ရွှေတံဆိပ်- ဆင်ကန်းတောတိုးဟန်၊
(၃၂) ၀န်းကျင်ပတ်သန်း- သမက် စောင်ရန်းစီးဟန်၊
(၃၃) ဘီလူးတိုင်ရေးလု- ရွှေလှံကျားမြီးဆွဲဟန်၊
(၃၄) ဘီလူးပုခက်စီး- ကျွဲမြီးခတ်ဟန်၊
(၃၅) ဘီလူးနားထွင်း-ရွှေလှံ ဆံထုံးရစ်ဟန်၊
(၃၆) ဟန်ယဉ်- ရွှေလှံ လက်ဝဲကိုင်ဟန်၊
(၃၇) ရေကန်သက်ဆင်း- ရွှေလှံ ဘယ်ညာလွှဲဟန်။

သြမျိုး ၂-ပါး။ ။
(၁) သြ
(၂) အော။
၁-သြ ကား၊ ပါဠိ၌များ၏။

သြဃတရား ၄-ပါး
သဂါထာဝဂ္ဂ သံယုတ်။ ဋ္ဌ။ ၁၆။ သတ္တ၀ါတို့အား ၃၁-ဘုံ ရေအလျဉ်၌ ဆွဲနှစ်ညှဉ်းပန်းနှိပ်စက်တတ်သောတရား ၄-ပါး။
(၁) ကာမောဃ- ကာမ ၁၁-ဘုံ၌တပ်သော လောဘတဏှာ၊
(၂) ဘဝေါဃ-ရူပ အရူပဘုံတို့၌ တပ်သော လောဘတဏှာ၊
(၃) ဒိဋ္ဌောဃ- မှားသောမိစ္ဆာအယူ ဒိဋ္ဌိစေတသိက်၊
(၄) အ၀ိဇ္ဇောဃ- သစ္စာအမြင်Óဏ်ကို ပိတ်ဆည်းသော မောဟ၊ အ၀ိဇ္ဇာ။

သြဇာအပြား၊ မျိုး ၃-ပါး၊ ထင်ရှားကျမ်း၌လာ
ပါဌာနုသာရကျမ်း၌ အောက်ပါ သြဇာသုံးပါးကို တွေ့ရ၏။
(၁) အစာသြဇာ- သတ္တ၀ါ၏ရုပ်ကိုဖြစ်စေခြင်းသတ္တိ၊
(၂) မြေသြဇာ-သစ်ပင်တို့ကိုဖြစ်စေခြင်းသတ္တိ၊
(၃) လူသြဇာ- အမှုကိစ္စတို့ကိုပြီးစေခြင်းသတ္တိ။

သြဋ္ဌဇ အက္ခရာ ၉-လုံး
နှုတ်ခမ်းအရပ်မှ မြည်ထွက်လာသော အက္ခရာမျိုး ၉-ပါး။ နှုတ်ခမ်း ၂-ခုကိုပြုပြင်၍ရွတ်ဖတ်ရသည်ဟူလို။ "ပ ဖ ဗ ဘ မ ၀ ဥ ဦ သြ "။

သြဓိဿ မေတ္တာ ၇-ပါး
မိန်းမ ယောက်ျားစသည်ဖြင့် ရည်ညွှန်းကန့်သန်၍ပို့သောမေတ္တာ။
(၁) သဗ္ဗာ ဣတ္ထိယော- မသတ္တ၀ါအားလုံး၊
(၂) သဗ္ဗေ ပုရိသာ- ဖို သတ္တ၀ါအားလုံး၊
(၃) သဗ္ဗေ အရိယာ-အရိယာရှစ်ယောက်၊
(၄) သဗ္ဗေ အနရိယာ- ပုထုဇဉ်မှန်သမျှ၊
(၅) သဗ္ဗေ ဒေ၀ါ- နတ် ဗြဟ္မာအားလုံး၊
(၆) သဗ္ဗေ မနုဿာ- လူများအားလုံး၊
(၇) သဗ္ဗေ ၀ိနိပါတိကာ- ၀ိနိပါတိက ပြိတ္တာများအားလုံး။

သြရမ္ဘာဂိယ- သံယောဇဉ် ၅-ပါး
ကာမဘုံဘက်နှင့် ဆက်သွယ်လျက်ရှိသော နှောင်ကြိုးငါးချောင်းဟူ၏။
(၁) ကာမရာဂ သံယောဇဉ်၊
(၂) ပဋိဃ သံယောဇဉ်၊
(၃) သီလဗ္ဗတ ပရာမာသ သံယောဇဉ်၊
(၄) ဒိဋ္ဌိသံယောဇဉ်၊
(၅) ၀ိစိကိစ္ဆာ သံယောဇဉ်၊
ယင်း၏အကျယ် (သံယောဇဉ် ၁၀-ပါး)၌ ရှုပါ။

အောက်ဖိုလ် ၃-ပါး
အောက်ဖြစ်သော လောကုတ္တရာ ၀ိပါက်စိတ်စု။
(၁) သောတာပတ္တိဖိုလ်၊
(၂) သကဒါဂါမိဖိုလ်၊
(၃) အနာဂါမိဖိုလ်။

အောက်မဂ် ၃-ပါး
အောက်ဖြစ်သော လောကုတ္တရာ ကုသိုလ်စိတ်စု။
(၁) သောတာပတ္တိမဂ်၊
(၂) သကဒါဂါမိမဂ်၊
(၃) အနာဂါမိမဂ်။

အောက်မြစ်သံ အောက်သံ ၁၈-ပါး
ကဗျာလင်္ကာ စပ်ဆိုရာ၌ "ဘယ်သံ ၁၈-ပါး" ကိုပင် အောက်မြစ်သံ ဟူ၍လည်းကောင်း အောက်သံဟူ၍လည်းကောင်း ခေါ်သည်မှတ်။ (ဘယ်သံ ၁၈-ပါး) ၌ ရှုလေ။

အောင်ကြောင်းတရား ၄-ပါး
ဟိတောပဒေသမှ။
(၁) မိမိထက်မြင့်မြတ်သူကို နှိမ့်ချရိုသေမှုပြု၍ အောင်ရာ၏၊
(၂) ဗိုလ်ပါသူရဲကို အဖေါ်ခွဲ၍အောင်ရာ၏၊
(၃) လက်အောက်ငယ်သားကို တန်စိုးလက်ဆောင်ပေး၍ အောင်ရာ၏၊
(၄) ကိုယ်နှင့် တူသူကို ကြိုးစားမှုလုံ့လပြု၍ အောင်ရာ၏။

အောင်ခြင်း ၈-ပါး
ရန်သူများကို အောင်နိုင်မှု၌ ပိဋကတ်တော်တွင် ထင်ရှားသောဘုရားရှင်၏ အပြင်အောင်ခြင်းရှစ်ပါး။
(၁) မာရ်နတ်မင်း၊
(၂) အာဠာဝက ဘီလူးမင်း၊
(၃) နာဠာဂီရိ ဆင်မင်း၊
(၄) အင်္ဂုလိမာလ သူခိုးကြီး၊
(၅) မိန်းမယုတ် စိဉ္စမာန၊
(၆) သစ္စက ပရိဗိုဇ်ကြီး၊
(၇) နန္ဒောပနန္ဒ နဂါးမင်း၊
(၈) ဗကဗြဟ္မာမင်း။

အောင်နိုင်ခြင်းတရား ၅-ပါး
ဓမ္မပဒ ။ ဋ္ဌ။ ဒု-အုပ်။ ၆၆- ၂၁၂။ မိလိန္ဒပဥှာပါဠိတော် ၁၂၁-တို့၌ အကျယ်ရှုပါ။ မြတ်စွာဘုရားသခင်ဟောတော်မူသည်။
(၁) အ ကောဓေန ကောဓံ ဇိနာတိ- ဒေါသအမျက်ထွက်နေသူကို အမျက်မထွက်သဖြင့် အောင်နိုင်ခြင်း။
(၂) အ သာဓုံ သာဓုနာ ဇိနာတိ- မကောင်းယုတ်မာသူကို ကောင်းသဖြင့်အောင်နိုင်ခြင်း။
(၃) ကဒိရိယံ ဒါနေန ဇိနာတိ- စေးနှဲဝန်တိုသူကို ပေးကမ်းခြင်းဖြင့်အောင်နိုင်ခြင်း။
(၄) အလိကံ သစ္စေန ဇိနာတိ- မဟုတ်မမှန် ဖေါက်ပြန်ချွတ်ယွင်း သစ္စာကင်းသောသူကို မှန်ကန်
တော်ဖြောင့်ခြင်းဖြင့်အောင်နိုင်ခြင်း။
(၅) သဗ္ဗ အကုသလံ ကုသလေန ဇိနာတိ- ခပ်သိမ်းသော အကုသလဓမ္မ ပါပအမှုကို ကုသိုလ်တရားဖြင့်အောင်နိုင်ခြင်း။

အိုး ၄-မျိုးနှင့် ပုဂ္ဂိလ် ၄-ပါး
အောက်ပါအတိုင်း အိုး ၄-မျိုးကို ပုဂ္ဂိုလ်လေးပါးနှင့် ဥပမာထား၍ ဟောကြားချက်။
(၁) တုစ္ဆော ပိဟိတော- အတွင်း၌ ဘာမျှမရှိဘဲ အပြင်၌ အမြင်ကောင်းအောင် သပ်သပ်ရပ်ရပ်
ပိတ်ထားသောအိုးမျိုး၊
(၂) ပူရော ၀ိဝဋော- အမြင်မကောင်းအောင် ဖွင့်လှစ်ထားသော်လည်း အတွင်း၌ အမြိုက်သုဒ္ဓါထူးတို့ဖြင့် ပြည့်နေသောအိုးမျိုး၊
(၃) တုစ္ဆော ၀ိဝဋော- ဖွင့်လှစ်၍လည်းထား အတွင်း၌လည်း ဘာမျှမရှိသော အိုးမျိုး၊
(၄) ပူရော ဟိတိတော- အတွင်း၌လည်း အမြိုက်တရားတို့နှင့်ပြည့်နှက်နေ၏၊ ကြည့်ရှုဖွယ်ကောင်း
အောင်လည်း သေသေသပ်သပ် ပိတ်ထားသောအိုးမျိုး။

အိုင်ကြီး ၇-အိုင်း
နှစ်ပေါင်း သိန်း သောင်းကျော်က ပိဋကစာပေ၌ထင်ရှား၍ ဟိမ၀န္တာအနီး၌ရှိသော အိုင်ကြီးများ။ ထိုအိုင်ကြီးတို့သည် အသီးသီးယူဇနာငါးဆယ်စီနက်ကုန်၍ ယူဇနာငါးဆယ်စီ အလျားအနံ ပြန့်ကျယ်ကြကုန်၏။အ၀န်းအ၀ိုင်းပတ်လည်အားဖြင့် ယူဇနာ တစ်ရာ့ငါးဆယ်စီရှိကြကုန်၏။ အင်္ဂုတ္တရ အဋ္ဌကထာနှင့် ဇိနာလင်္ကာရဋီကာ၌ အကျယ်ရှုလေ။
(၁) အနောတတ္တအိုင်၊
(၂) ကဏ္ဏမုဏ္ဍအိုင်၊
(၃) ရထကာရ အိုင်၊
(၄) ဆဒ္ဒန္တ အိုင်၊
(၅) ကုဏာလ အိုင်၊
(၆) မန္ဒာကိနီ အိုင်၊
(၇) သီဟ ပပါတ အိုင်။
မှတ်ချက်။ ။ သဗ္ဂေ သင်္ခါရာ အနိစ္စာ၊ လောက၌ မည်သည့်အရာမျှ ခိုင်မြဲခြင်းမရှိ၊ ပြောင်းလဲပျက်စီးခြင်းသာအဆုံးရှိရကား ထိုအိုင်ကြီးများသည် ယခုအခါမရှိတော့ပြီ။

အိုင်ကြီး ၁၈-အိုင်
ကမ္ဘာပေါ်ရှိ ဧရိယာစတုရန်းမိုင်ပေါင်း (၃၈၀၀)ကျော် မိုင်အထက်ရှိသေ အိုင်ကြီးများs (Large Lakes) ကိုသာဖေါ်ပြရေတွက်ခြင်းပြုထားသည်။
(၁) ကတ်စပီယန်အိုင်ကြီး (မြေထဲပင်လယ်) (Capian Sea) အာရှတိုက်နှင့် ဥရောပတိုက်တို့၏အကြား၌ တည်ရှိသည်။ ဧရိယာစတုရန်းမိုင်ပေါင်း (၁၅၂ ၂၃၉)နှင့် အလျား (၇၄၅) မိုင်ရှိသည်။ ၎င်းင်း၏ရေအနက်ဆုံးသောနေရာမှာ (၃ ၁၀၄)ပေရှိ၍ ပင်လယ်ရေပြင်အောက် (၉၆) ပေရှိသည်။
(၂) ဆူပီးရီးယား အိုင်(Superior) မြောက်အမေရိကတိုက် အမေရိကန်ပြည်ထောင်စုနှင့် ကနေဒါနိုင်ငံ တို့၏အကြား၌တည်ရှိ၏၊ ဧရိယာစတုရန်းမိုင်ပေါင်း (၃၁ ၈၂၀) နှင့် အလျား (၃၈၃) မိုင်ရှိသည်၊၎င်းင်း၏ ရေအနက်ဆုံးနေရာမှာ (၁ ၃၃၃) ပေရှိလျက် ပင်လယ်ရေပြင်အထက် ပေပေါင်း (၆၀၂)ပေမြင့်သည်။
(၃) ဗစ်တိုးရီးယား အိုင် (Victoria) အာဖရိကတိုက်၏ ရှေ့အလယ်ပိုင်း၌ တည်ရှိလျက် ဧရိယာစတုရန်း မိုင်ပေါင်း (၂၆ ၈၂၈) နှင့် အလျား (၂၀၀) မိုင်ရှိသည်၊ ၎င်းင်း၏ ရေအနက်ဆုံးနေရာမှာ (၂၇၀)ပေရှိ၍ ပင်လယ်ရေပြင်၏အထက် အမြင့်ပေ (၃ ၇၁၇)ရှိသည်။
(၄) အေရဲလ် အိုင် (Aral) အာရှတိုက် ကာဇက်စတန်-အူဘက်ကီစတန်နိုင်ငံအတွင်း၌ တည်ရှိ၍ ဧရိယာစတုရန်းမိုင်ပေါင်း(၂၅ ၆၅၉) နှင့် အလျား (၂၆၆) မိုင်ရှိလျက် ၎င်းင်း၏ရေအနက်ဆုံး
နေရာမှာ (၂၂၃)ပေ ရှိသည်၊ ပင်လယ်ရေပြင်၏အထက် အမြင့်ပေ (၁၆၄) ရှိသည်။
(၅) ဟူရွန် အိုင် (Huron) မြောက်အမေရိက အမေရိကန်ပြည်ထောင်စုနှင့် ကနေဒါနိုင်ငံတို့၏အကြား၌တည်ရှိလျက် ဧရိယာစတုရန်းမိုင်ပေါင်း (၂၃ ၀၁၀)နှင့် အလျား (၂၄၇) မိုင်ရှိသည်၊ ၎င်းင်း၏ ရေအနက်ဆုံးနေရာ၌ (၇၅၀) ပေရှိ၍ ပင်လယ်ရေပြင်၏အထက် အမြင့်ပေ (၅၈၁) ရှိသည်။
(၆) မစ်ချီဂန် အိုင် (Michigan) မြောက်အမေရိကတိုက် အမေရိကန်ပြည်ထောင်စု၌
ရှိသည်။ ဧရိယာစတုရန်းမိုင်ပေါင်း (၂၂ ၄၀၀)နှင့် အလျားမိုင် (၃၂၁)ရှိသည်၊ ၎င်းင်း၏ရေအနက်ဆုံး
နေရာမှာ (၉၂၃)ပေရှိ၍ ပင်လယ်ရေပြင်အထက် အမြင့်ပေ (၅၈၁) ရှိသည်။
(၇) တန်ဂန်ယိက အိုင(Tanganyika)အာဖရိကတိုက်၏ အရှေ့အလယ်ပိုင်း၌တည်ရှိ
သည်၊ ဧရိယာစတုရန်းမိုင်ပေါင်း(၁၂ ၇၀၀)နှင့် အလျားမိုင် (၄၂၀)ရှိသည်၊ ၎င်းင်း၏ရေအနက်ဆုံးနေရာမှာ (၄ ၇၀၈) ပေရှိသည်၊ ပင်လယ်ရေမျက်နှာပြင်အထက် အမြင့်ပေ (၂၅၃၄) ရှိသည်။
(၈) ဘေကဲလ် အိုင် (Baikal) အာရှတိုက် ရုရှားနိုင်ငံအတွင်း၌ရှိသည်၊ ဧရိယာစတုရန်း မိုင်ပေါင်း (၁၂ ၁၆၂)နှင့် အလျား (၃၉၅)မိုင်ရှိသည်၊ ၎င်းင်း၏ရေအနက်ဆုံးနေရာမှာ (၅ ၇၁၂) ပေရှိလျက် ပင်လယ်ရေပြင်အထက် အမြင့်ပေ (၁ ၄၈၆)ရှိသည်။
(၉) ဂရိတ်ဘဲယား အိုင် (Great Bear)မြောက်အမေရိကတိုက် ကနေဒါနိုင်ငံ အတွင်း၌
ရှိသည်၊ ဧရိယာစတုရန်းမိုင်ပေါင်း (၁၂ ၀၀၀)နှင့် အလျားမိုင် (၂၃၂) ရှိသည်၊ ၎င်းင်း၏ ရေအနက်ဆုံးအပိုင်းမှာ(၂၇၀) ပေရှိသည်၊ ပင်လယ်ရေပြင်အထက် အမြင့်ပေ (၃၉၁) ရှိသည်။
(၁၀) ညာဆာ အိုင် (Nyasa)အာဖရိကတိုက်၏တောင်ပိုင်း၌ရှိသည်၊ ဧရိယာစတုရန်းမိုင်ပေါင်း (၁၁ ၆၀၀)နှင့် အလျားမိုင် (၃၆၀)ရှိသည်၊ ရေအနက်ဆုံးနေရာမှာ (၂၃၁၆) ပေ ရှိလျက် ပင်လယ် ရေပြင်အထက် အမြင့်ပေ (၁ ၅၅၀) ရှိ၏။
(၁၁) ဂရိတ်စလေ့ အိုင်(Great Slave)မြောက်အမေရိကတိုက် ကနေဒါနိုင်ငံ၌တည်ရှိသည်၊ ဧရိယာစတုရန်းမိုင်ပေါင်း (၁၁ ၁၇၀)နှင့် အလျား (၂၉၈) မိုင်ရှိသည်၊ ရေအနက်ဆုံးအပိုင်း၌(၂ ၀၁၅)ပေရှိလျက် ပင်လယ်ရေပြင်အထက် အမြင့်ပေ (၄၉၅) ရှိသည်။
(၁၂) ချဒ် အိုင်(Chad) အာဖရိကတိုက်အလယ်ပိုင် ချဒ်နိုင်ငံအတွင်း၌တည်ရှိသည်၊ ဧရိယာစတုရန်းမိုင်ပေါင်း(၉ ၉၄၆)ရှိ၍ အလျားမိုင် (၁၃၀) ရှိသည်၊ ရေအနက်ဆုံးနေရာမှာ (၂၃) ပေရှိ၍ ပင်လယ်ရေပြင်အထက်သို့ (၉၂၂) ပေ မြင့်သည်။
(၁၃) အီးရီး အိုင် (Erie) မြောက်အမေရိကတိုက် အမေရိကန်ပြည်ထောင်စုနှင့် ကနေဒါနိုင်ငံတို့ အကြား၌တည်ရှိသည်၊ ဧရိယာစတုရန်းမိုင်ပေါင်း (၉ ၉၃၀)နှင့် အလျားမိုင်ပေါင်း (၂၁၄) မိုင်ရှိသည်၊ ရေအနက်ဆုံးနေရာမှာ (၂၁၀) ပေ ရှိ၍ ပင်လယ်ရေပြင်အထက် အမြင့်ပေ (၅၇၂) ရှိသည်။
(၁၄) ၀င်နီပက် အိုင (Winnipeg) မြောက်အမေရိကတိုက် ကနေဒါနိုင်ငံအတွင်း၌ ရှိသည်၊
ဧရိယာစတုရန်းမိုင်ပေါင်း (၉ ၀၉၄)ရှိပြီး အလျား (၂၆၄) မိုင်ရှိသည်၊ ရေအနက်ဆုံးအပိုင်းမှာ
(၂၀၄) ပေရှိ၍ ပင်လယ်ရေပြင်အထက် (၇၁၃)ပေမြင့်သည်။
(၁၅) အွန်တာရီယို အိုင် (Ontario)အမေရိကန်ပြည်ထောင်စုနှင့် ကနေဒါနိုင်ငံတို့အကြား၌ရှိသည်၊ ဧရိယာစတုရန်းမိုင်ပေါင်း (၇ ၅၀၂)ရှိ၍ အလျားမိုင် (၁၉၃) ရှိသည်၊ ရေအနက်ဆုံးနေရာမှာ(၇၇၈) ပေရှိလျက် ပင်လယ်ရေပြင်အထက် (၂၄၆) ပေမြင့်သည်။
(၁၆) ဘားလ်ကတ်ရှိ အိုင် (Balkash)အာရှတိုက် ဆိုဗီယကယူနီယံနိုင်ငံအတွင်း၌ရှိသည်၊ ဧရိယာ စတုရန်းမိုင်ပေါင်း (၇ ၁၁၅)ရှိသည်၊ အလျား (၃၇၉) မိုင်ရှိ၍ ရေအနက်ဆုံးနေရာမှာ (၇၈) ပေ ရှိသည်၊ ပင်လယ်ရေပြင်အထက် (၁ ၁၁၂) ရှိသည်။
(၁၇) လာဒိုဂါ အိုင် (Ladoga) ရုရှားနိုင်ငံအတွင်း ဥရောတိုက်အပိုင်း၌ တည်ရှိသည်၊ ဧရိယာစတုရန်းမိုင်ပေါင်း (၇ ၀၀၀)ရှိ၍ အလျား (၁၂၄)မိုင်ရှိသည်၊ ၎င်းင်း၏ရေအနက်ဆုံးနေရာမှာ (၇၃၈)ပေရှိလျက် ပင်လယ်ရေပြင်အထက် (၅၅) ပေမြင့်သည်။
(၁၈) အိုနီဂါ အိုင် (Onega) ရုရှားနိုင်ငံအတွင်း ဥရောပတိုက်အပိုင်း၌ရှိသည်၊
ဧရိယာစတုရန်းမိုင်ပေါင်း(၃ ၈၁၉)ရှိ၍ အလျားမိုင် (၁၅၄)မျှ ရှိသည်၊ ရေအနက်ဆုံးအပိုင်းမှာ (၃၆၁)ပေ ရှိပြီး ပင်လယ်ရေပြင်၏အထက် (၁၀၈)ပေ မြင့်သည်။
http://en.wikipedia.org/wiki/List_of_lakes_by_area
http://www.factmonster.com/ipka/A0001777.html
http://www.vaughns-1-pagers.com/geography/largest-lakes.htm
ဒီနေရာများတွင်လည်း ကြည့်ရှု့ လေ့လာဖတ်ယူနိုင်ပါသည်။ ဗဟုသုတ ရှာလိုသူများ လေ့လာနိုင်ပါသည်။